ಮೇಯುತ್ತಿದ್ದ ಕುರಿ ಮೇಲೆ ಚಿರತೆ ದಾಳಿ

ಗುಬ್ಬಿ: ಕಸಬಾ ಹೋಬಳಿ ಮಡೇನಹಳ್ಳಿಯಲ್ಲಿ ಮಂಗಳವಾರ ಚಿರತೆ ದಾಳಿ ನಡೆಸಿ ಜಮೀನಿನಲ್ಲಿ ಮೇಯುತಿದ್ದ ಕುರಿಯನ್ನು ಸಾಯಿಸಿದೆ.

ಗ್ರಾಮದ ತುರಿಯಪ್ಪ ಸಾಕಿದ್ದ ಒಂದು ಕುರಿಯನ್ನು ಹೊಲದಲ್ಲಿ ಮೇಯಿಸುತ್ತಿದ್ದ ಸಂದರ್ಭದಲ್ಲಿ ಪೊದೆಯಿಂದ ಏಕಾಏಕಿ ದಾಳಿ ನಡೆಸಿದ ಚಿರತೆ ಕುರಿಯನ್ನು ಕೊಂದಿದೆ.

ತುರಿಯಪ್ಪ ಕೂಗಾಟ ನಡೆಸಿದ್ದರಿಂದ ಅಕ್ಕಪಕ್ಕದವರು ಸೇರುವುದರೊಳಗೆ ಚಿರತೆ ಪೊದೆಯಲ್ಲಿ ಕಣ್ಮರೆಯಾಗಿದೆ.

ಸ್ಥಳಕ್ಕೆ ಅರಣ್ಯ ಅಧಿಕಾರಿಗಳು ತೆರಳಿ ಪರಿಶೀಲನೆ ನಡೆಸಿದ್ದಾರೆ.