ಕುಣಿಗಲ್: ಪ್ರಾರಂಭೋತ್ಸವ ಸಂಭ್ರಮ

ಕುಣಿಗಲ್: ತಾಲ್ಲೂಕಿನ 436 ಶಾಲೆಗಳಲ್ಲಿ ಸಂಭ್ರಮದಿಮದ ಪ್ರಾರಂಭೋತ್ಸವ ಆಚರಿಸಲಾಗಿದ್ದು ಶಾಲಾಭಿವೃದ್ಧಿ ಸಮಿತಿ ಸದಸ್ಯರು, ಗ್ರಾಮಸ್ಥರು, ಪೋಷಕರು ಭಾಗಿಯಾಗಿದ್ದರು.

ಪಟ್ಟಣದ ಜಿಕೆಬಿಎಂಎಸ್ ಶಾಲೆಯಲ್ಲಿ ಸಾಂಕೇತಿಕವಾಗಿ ಕಲಿಕಾ ಚೇತರಿಕೆ ವರ್ಷಕ್ಕೆ ತಾಲ್ಲೂಕು ಪಂಚಾಯಿತಿ ಕಾರ್ಯ ನಿರ್ವಹಣಾಧಿಕಾರಿ ಜೋಸೆಫ್ ಚಾಲನೆ ನೀಡಿದರು. ಪುರಸಭೆ ಅಧ್ಯಕ್ಷ ರಂಗಸ್ವಾಮಿ, ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷ ಬೋರೆಗೌಡ, ಶಿಕ್ಷಣಾಧಿಕಾರಿ ಧನಂಜಯ್ಯ, ಮುಖ್ಯಶಿಕ್ಷಕ ಪುಟ್ಟಶಾಮಯ್ಯ ವಿದ್ಯಾರ್ಥಿಗಳಿಗೆ ಹೂವು ನೀಡಿ ಸ್ವಾಗತಿಸಿದರು. ಪುಸ್ತಕ, ಸಿಹಿ ವಿತರಿಸಿದರು.

ತಾಲ್ಲೂಕಿನ ಶಾಲೆಗಳಲ್ಲೂ ವಿದ್ಯಾರ್ಥಿಗಳಿಗೆ ಹೂವನ್ನು ನೀಡಿ, ನಂತರ ಕೆಲವೆಡೆ ನೋಟ್‌ಬುಕ್‌, ಲೇಖನಾ ಸಾಮಗ್ರಿಗಳನ್ನು ನೀಡಿ ಸ್ವಾಗತಿಸಿದರು. ಕೆಲವು ಶಾಲೆಗಳಲ್ಲಿ ಬುಕ್ ಬ್ಯಾಂಕ್‌ನಲ್ಲಿ ಸಂಗ್ರಹವಾಗಿದ್ದ ಪುಸ್ತಕಗಳನ್ನು ವಿತರಿಸಲಾಯಿತು.