ಜಾಲಿಕಾಯಿ ತಿಂದು 17 ಕುರಿ ಸಾವು

ಕೊರಟಗೆರೆ: ತಾಲ್ಲೂಕಿನ ದೊಡ್ಡನರಸಯ್ಯನಪಾಳ್ಯ ಗ್ರಾಮದಲ್ಲಿ ಜಾಲಿಕಾಯಿ ತಿಂದು 17 ಕುರಿಗಳು ಸ್ಥಳದಲ್ಲೆ ಮೃತಪಟ್ಟಿವೆ.

ದೊಡ್ಡನರಸಯ್ಯನಪಾಳ್ಯದ ವೀರಭದ್ರಪ್ಪ ಎಂಬುವರಿಗೆ ಸೇರಿದ 10 ಕುರಿ, ನರಸಿಂಹಯ್ಯ ಎಂಬುವರ 5 ಕುರಿ ಹಾಗೂ ಕೆಂಪರಾಮಯ್ಯ ಅವರ 2 ಕುರಿ ಮೃತಪಟ್ಟಿವೆ.

ಜಾಲಿ ಕಾಯಿ ತಿಂದ ನಂತರ ಅಸ್ವಸ್ಥಗೊಂಡಿದ್ದ ಹಲವು ಕುರಿಗಳಿಗೆ ಪಶು ವೈದ್ಯರು ಚಿಕಿತ್ಸೆ ನೀಡಿದ್ದಾರೆ ಎಂದು ಹೇಳಲಾಗಿದೆ. ಬಿಸಿಲಿನಲ್ಲಿ ಜಾಲಿಕಾಯಿ ತಿಂದು ನೀರು ಕುಡಿದ ನಂತರ ಸಾವನ್ನಪ್ಪಿವೆ ಎಂದು ಕುರಿ ಮಾಲೀಕರು ತಿಳಿಸಿದರು.