ತುಮಕೂರು: ಕೋವಿಡ್‌ನಿಂದ 18 ಮಂದಿ ಸಾವು
Published 13 ಮೇ 2021, 5:23 IST
ಕೋವಿಡ್ ಅಂಕಿ–ಅಂಶ
ತುಮಕೂರು: ಕೋವಿಡ್–19ನಿಂದ ಸಾವನ್ನಪ್ಪುವವರ ಸಂಖ್ಯೆ ಏರುತ್ತಲೇ ಇದ್ದು, ಜಿಲ್ಲೆಯಲ್ಲಿ ಬುಧವಾರ 18 ಮಂದಿ ಮೃತಪಟ್ಟಿದ್ದರು. ಮಂಗಳವಾರ 16 ಜನರು ಸಾವು ಕಂಡಿದ್ದರು.
ಕಳೆದ ಎರಡು ವಾರದಿಂದಲೂ ಪ್ರತಿ ದಿನವೂ ಹತ್ತಕ್ಕೂ ಹೆಚ್ಚು ಜನರು ಸಾಯುತ್ತಲೇ ಇದ್ದಾರೆ. ಸೋಂಕಿತರ ಸಂಖ್ಯೆಯೂ ಕಡಿಮೆಯಾಗುತ್ತಿಲ್ಲ.
ತುಮಕೂರು ತಾಲ್ಲೂಕಿನಲ್ಲಿ 7, ಕೊರಟಗೆರೆ 4, ತುರುವೇಕೆರೆ, ಗುಬ್ಬಿ, ಮಧುಗಿರಿ ತಾಲ್ಲೂಕಿನಲ್ಲಿ ತಲಾ 2, ಪಾವಗಡ ತಾಲ್ಲೂಕಿನಲ್ಲಿ ಒಬ್ಬರು ಮೃತಪಟ್ಟಿದ್ದಾರೆ.
ತಾಲ್ಲೂಕುವಾರು ವಿವರ: ತುಮಕೂರು ತಾಲ್ಲೂಕಿನಲ್ಲಿ ಅತಿ ಹೆಚ್ಚು 719, ಚಿಕ್ಕನಾಯಕನಹಳ್ಳಿ 165, ಗುಬ್ಬಿ 262, ಕೊರಟಗೆರೆ 257, ಕುಣಿಗಲ್ 182, ಮಧುಗಿರಿ 322, ಪಾವಗಡ 299, ಶಿರಾ 263, ತಿಪಟೂರು 110, ತುರುವೇಕೆರೆ ತಾಲ್ಲೂಕಿನಲ್ಲಿ 79 ಮಂದಿಗೆ ಸೋಂಕು ದೃಢಪಟ್ಟಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.