ಇಬ್ಬರು ಅಪರಿಚಿತ ಮಹಿಳೆಯರ ಮೃತದೇಹ ಪತ್ತೆ

ತಿಪಟೂರು: ತಾಲ್ಲೂಕಿನ ಈಚನೂರು ಕೆರೆಯಲ್ಲಿ ಸುಮಾರು 50ರಿಂದ 60 ವರ್ಷ ವಯಸ್ಸಿನ ಇಬ್ಬರು ಅಪರಿಚಿತಹೆಂಗಸರ ಶವ ಪತ್ತೆಯಾಗಿದ್ದು, ಪೊಲೀಸರಿಗೆ ಸ್ಥಳೀಯರು ಮಾಹಿತಿ
ನೀಡಿದ್ದಾರೆ.

ಎರಡು ಮೃತ ದೇಹಗಳನ್ನು ಹೊರ ತೆಗೆದಿದ್ದು ಕಳೆದ 4 ದಿನಗಳ ಹಿಂದೆಯೇ ನೀರಿಗೆ ಬಿದ್ದಿರುವ ಶಂಕೆಯಿದೆ.

ಒಬ್ಬ ಹೆಂಗಸು ಸೀರೆಯುಟ್ಟಿದ್ದು, ಮತ್ತೊಬ್ಬರು ನೈಟಿ ಹಾಕಿಕೊಂಡಿದ್ದಾರೆ. ಮೃತರ ಬಗ್ಗೆ ಯಾವುದೇ ಮಾಹಿತಿ ಪತ್ತೆಯಾಗಿಲ್ಲ.

ತಿಪಟೂರು ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಕಾರ್ಯ
ಮುಂದುವರಿದಿದೆ.