ಮಧುಗಿರಿ: ವಿದ್ಯುತ್ ಶಾಕ್ನಿಂದ ಮಹಿಳೆ ಹಾಗೂ ಜಾನುವಾರು ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ತಾಲ್ಲೂಕಿನ ಮಿಡಿಗೇಶಿ ಹೋಬಳಿಯ ಲಕ್ಲಿಹಟ್ಟಿ ಗ್ರಾಮದಲ್ಲಿ ಮಂಗಳವಾರ ನಡೆದಿದೆ.
ಗ್ರಾಮದ ನಿವಾಸಿ ಸಿದ್ದಪ್ಪ ಅವರ ಪತ್ನಿ ರತ್ನಮ್ಮ (40) ಮೃತಪಟ್ಟವರು. ಜಮೀನಿನಲ್ಲಿ ಜಾನುವಾರಿಗೆ ಮೇವು ಮೇಯಿಸುತ್ತಿದ್ದಾಗ ವಿದ್ಯುತ್ ತಂತಿ ತುಂಡಾಗಿ ಬಿದ್ದಿದೆ. ಜಾನುವಾರು ವಿದ್ಯುತ್ ತಂತಿಯನ್ನು ತುಳಿಯುತ್ತಿದ್ದಂತೆ ಶಾಕ್ ಹೊಡೆದು ಒದ್ದಾಡಿದೆ. ತಕ್ಷಣ ಜಾನುವಾರು ರಕ್ಷಣೆ ಮಾಡಲು ಹೋದಾಗ, ವಿದ್ಯುತ್ ಶಾಕ್ನಿಂದ ರತ್ನಮ್ಮ ಮೃತಪಟ್ಟಿದ್ದಾರೆ. ಮಿಡಿಗೇಶಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.