ಪಡು ಕಾಡೂರು ದೇವಸ್ಥಾನ ವಾರ್ಷಿಕೋತ್ಸವ 30ಕ್ಕೆ

ಬ್ರಹ್ಮಾವರ: ಪಡು ಕಾಡೂರು ದುರ್ಗಾ ಪರಮೇಶ್ವರಿ ಹಾಗೂ ಪರಿವಾರ ದೈವಗಳ ವಾರ್ಷಿಕೋತ್ಸವ ಇದೇ 30 ರಂದು ನಡೆಯಲಿದೆ. ಬೆಳಿಗ್ಗೆ 9 ಗಂಟೆಯಿಂದ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು, ಮಧ್ಯಾಹ್ನ 11ಗಂಟೆಯಿಂದ ದುರ್ಗಾ ಮಿತ್ರ ವೃಂದದವರಿಂದ ಪ್ರತಿಭಾ ಪುರಸ್ಕಾರ, ಸಂಜೆ 6ರಿಂದ ಭಜನಾ ಕಾರ್ಯಕ್ರಮ, ರಾತ್ರಿ 8ರಿಂದ ಕಲ್ಲುಕುಟಿಗನ ಕೋಲ, ಬೇವು ಉಡುಗೆ, ಗೆಂಡೋತ್ಸವ ನಡೆಯಲಿದೆ. ಮೇ.1ರಂದು ಬೆಳಿಗ್ಗೆ ತುಲಾಭಾರ ಸೇವೆ ನಡೆಯಲಿದೆ ಎಂದು ದೇವಸ್ಥಾನದ ಪ್ರಕಟಣೆ ತಿಳಿಸಿದೆ.