ಶೋಭಾ ಕರಂದ್ಲಾಜೆ ವಿರುದ್ಧ ಪ್ರಕರಣ

ಉಡುಪಿ: ಶ್ರೀರಾಮ ನವಮಿಯ ದಿನ ಶುಭಾಶಯ ಕೋರಿದ ಟ್ವಿಟ್ಟರ್ ಸಂದೇಶದಲ್ಲಿ ಧಾರ್ಮಿಕ ಭಾವನೆಗಳಿಗೆ ದಕ್ಕೆ ತಂದ ಆರೋಪದ ಮೇಲೆ ಸಂಸದೆ ಶೋಭಾ ಕರಂದ್ಲಾಜೆ ವಿರುದ್ಧ ಉಡುಪಿ ನಗರ ಠಾಣೆಯಲ್ಲಿ ಬುಧವಾರ ಪ್ರಕರಣ ದಾಖಲಾಗಿದೆ.

ಶೋಭಾ ಅವರ ಟ್ವಿಟ್ಟರ್ ಖಾತೆಯಿಂದ ಏ.13ರಂದು ಪ್ರಕಟವಾದ ಚಿತ್ರದಲ್ಲಿ, ಶ್ರೀರಾಮನ ಬಿಲ್ಲಿನ ಮೇಲೆ ಮೋದಿಯ ಭಾವಚಿತ್ರವಿದ್ದು, ರಾವಣನ ದಶಮುಖಗಳ ಜಾಗದಲ್ಲಿ ವಿರೋಧ ಪಕ್ಷಗಳ ಮುಖಂಡರ ಚಿತ್ರಗಳಿದ್ದು, ಅದಕ್ಕೆ ಬಿಲ್ಲಿನಿಂದ ಗುರಿ ಮಾಡಲಾಗಿದೆ. ಇದರಿಂದ ಧಾರ್ಮಿಕ ಭಾವನೆಗಳಿಗೆ ಧಕ್ಕೆಯಾಗಿದ್ದು, ನೀತಿ ಸಂಹಿತೆ ಉಲ್ಲಂಘನೆಯಾಗಿದೆ ಎಂದುಫ್ಲೈಯಿಂಗ್ ಸ್ಕ್ವಾಡ್‌ ಅಧಿಕಾರಿ ಕೆ.ವಿ.ನಾಗರಾಜ್ ದೂರು ನೀಡಿದ್ದರು. ಅದರಂತೆ ಪ್ರಕರಣ ದಾಖಲಿಸಲಾಗಿದೆ.