ಉಡುಪಿ: 33 ಮಂದಿಗೆ ಕೋವಿಡ್‌ ದೃಢ

ಉಡುಪಿ: ಜಿಲ್ಲೆಯಲ್ಲಿ ಬುಧವಾರ 33 ಮಂದಿಯಲ್ಲಿ ಕೋವಿಡ್‌–19 ದೃಢಪಟ್ಟಿದೆ. ಉಡುಪಿಯ 19, ಕುಂದಾಪುರದ 8, ಕಾರ್ಕಳದ 5 ಹಾಗೂ ಇತರೆ ಜಿಲ್ಲೆಗಳ ಒಬ್ಬರಿಗೆ ಸೋಂಕು ತಗುಲಿದೆ. ಸೋಂಕಿತರಲ್ಲಿ 10 ಮಹಿಳೆಯರು, 23 ಪುರುಷರು ಇದ್ದಾರೆ.

ಕೋವಿಡ್ ಆಸ್ಪತ್ರೆಯಲ್ಲಿ 8, ಹೋಂ ಐಸೊಲೇಷನ್‌ನಲ್ಲಿ 21 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 28 ರೋಗಿಗಳು ಗುಣಮುಖರಾಗಿದ್ದು, ಇದುವೆರಗೂ 22,031 ಸೋಂಕಿತರು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಜಿಲ್ಲೆಯಲ್ಲಿ ಒಟ್ಟು ಸೋಂಕು ಪ್ರಕರಣಗಳು 22,433 ಇದ್ದು, ಸಕ್ರಿಯ ಪ್ರಕರಣಗಳು 183 ಮಾತ್ರ ಇವೆ. ಸೋಂಕಿನಿಂದ 187 ಮಂದಿ ಮೃತಪಟ್ಟಿದ್ದಾರೆ.