ಸಮನ್ವಿ ಸಾವಿಗೆ ಹೃದಯಾಘಾತ ಕಾರಣ

ಬೈಂದೂರು: ಕಳೆದ ತಿಂಗಳು ನಡೆದ ಬಾಲಕಿ ಸಮನ್ವಿಯ ಸಾವಿಗೆ ನಿಖರ ಕಾರಣ ಈಗ ತಿಳಿದು ಬಂದಿದ್ದು, ಆಕೆ ಹೃದಯಾಘಾತದಿಂದ ಮೃತಪಟ್ಟಿರುವುದಾಗಿ ಮರಣೋತ್ತರ ಪರೀಕ್ಷಾ ವರದಿಯಿಂದ ತಿಳಿದುಬಂದಿದೆ.

ಜುಲೈ 20 ರಂದು ಬೆಳಿಗ್ಗೆ ಉಪ್ಪುಂದದ ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯ ಎರಡನೇ ತರಗತಿಯ ವಿದ್ಯಾರ್ಥಿನಿ ಸಮನ್ವಿ, ತನ್ನ ತಾಯಿಯೊಂದಿಗೆ ಬಸ್ ಏರಲು ಬರುತ್ತಿದ್ದಾಗ ಬಸ್ ಬಳಿಯೇ ಕುಸಿದು ಬಿದ್ದಿದ್ದಳು. ಕೂಡಲೇ ಆಸ್ಪತ್ರೆಗೆ ಕರೆದ್ಯೊಯಲಾಗಿತ್ತು. ಆದರೆ ಆಕೆ ಮೃತಪಟ್ಟಿರುವುದಾಗಿ ವೈದ್ಯರು ತಿಳಿಸಿದ್ದರು.

ಬಾಲಕಿಯ ಗಂಟಲಿನಲ್ಲಿ ಕವರ್ ಸಹಿತ ಚಾಕಲೇಟ್ ಸಿಲುಕಿಕೊಂಡಿದ್ದರಿಂದ ಉಸಿರು ಕಟ್ಟಿ ಸಾವಿಗೀಡಾಗಿರಬಹುದೆಂದು ಶಂಕಿಸಲಾಗಿತ್ತು. ಆದರೆ ಮರಣೋತ್ತರ ಪರೀಕ್ಷಾ ವರದಿಯ ಪ್ರಕಾರ ಆಕೆ ಹೃದಯಾಘಾತದಿಂದ ಮೃತಪಟ್ಟಿರುವುದುದೃಢಪಟ್ಟಿದೆ.