ಕಾರವಾರ: ಅರಣ್ಯದಲ್ಲಿ ಹೊಗೆ

ಕಾರವಾರ: ನಗರಕ್ಕೆ ಹೊಂದಿಕೊಂಡಿರುವ ಅರಣ್ಯ ಪ್ರದೇಶದಲ್ಲಿ ಸುಮಾರು 600 ಅಡಿ ಎತ್ತರದಲ್ಲಿ ಹೊಗೆ ಕಾಣಿಸಿಕೊಂಡ ಘಟನೆ ಬುಧವಾರ ನಡೆದಿದೆ.

ಮಧ್ಯಾಹ್ನ 2ರ ಸುಮಾರಿಗೆ ಕಾಣಿಸಿಕೊಂಡ ಹೊಗೆ ಸಂಜೆ 5 ಗಂಟೆಯ ವರೆಗೂ ಕಾಣಿಸುತ್ತಿತ್ತು. ಇದು ಕಾಳ್ಗಿಚ್ಚೊ ಅಥವಾ ಕಿಡಿಗೇಡಿಗಳ ಕೃತ್ಯ ಎನ್ನುವುದು ಗೊತ್ತಾಗಿಲ್ಲ. ಹೊಗೆ ಕಾಣಿಸುತ್ತಿರುವ ಕುರಿತು `ಪ್ರಜಾವಾಣಿ~ ಪ್ರತಿನಿಧಿ ಅರಣ್ಯ ಇಲಾಖೆಯ ಅಧಿಕಾರಿಗಳಿಗೆ ಮೊಬೈಲ್ ಸಂಪರ್ಕ ಮಾಡಿದ್ದರೂ ಅಧಿಕಾರಿಗಳು ಕರೆ ಸ್ವೀಕರಿಸಲಿಲ್ಲ.