ಗೋಕರ್ಣ | ಗಾಂಜಾ ಪತ್ತೆ: ಆರೋಪಿ ಪೊಲೀಸರ ವಶಕ್ಕೆ

ಗೋಕರ್ಣ: ಇಲ್ಲಿಯ ಓಂ ಬೀಚಿಗೆ ಹೋಗುವ ರಸ್ತೆಯ ಬೇಲೆಕಾನ್ ಕ್ರಾಸ್ ಬಳಿ, ಗಾಂಜಾ ಇಟ್ಟುಕೊಂಡಿದ್ದ ಆರೋಪಿಯನ್ನು ಭಾನುವಾರ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಕುಮಟಾದ ಕೊಪ್ಪಳಕರವಾಡಿ ನಿವಾಸಿ ದರ್ಶನ ಸುಬ್ರಾಯ ಮಾಜಾಳಿ (23) ಆರೋಪಿ.  

₹5 ಸಾವಿರ ಮೌಲ್ಯದ 54 ಗ್ರಾಂ ಗಾಂಜಾ ಮಾರಾಟಕ್ಕಾಗಿ ಇಟ್ಟುಕೊಂಡಿದ್ದ ಆರೋಪಿ ಪೊಲೀಸ್ ಉಪನಿರೀಕ್ಷಕ ಖಾದರ ಭಾಷ ನೇತೃತ್ವದ ಪೊಲೀಸ್ ತಂಡಕ್ಕೆ ಸಿಕ್ಕಿಬಿದ್ದಿದ್ದಾರೆ. 

ಗೋಕರ್ಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.