Karnataka Rains | ದಾಂಡೇಲಿಯಲ್ಲಿ ಸತತ ಮಳೆ: ಕುಸಿದ ಕಾಂಪೌಂಡ್

ದಾಂಡೇಲಿ: ಸತತ ಮಳೆ ಗಾಳಿಯಿಂದಾಗಿ ಇಲ್ಲಿನ ಟೌನ್‌ಶಿಪ್‌ನಲ್ಲಿರುವ ಸೇಂಟ್ ಮೈಕಲ್ ಕಾನ್ವೆಂಟ್ ಶಾಲೆಯ ಮುಂಭಾಗದ ರಸ್ತೆ ಬದಿಯಲ್ಲಿರುವ ಬೃಹತ್ ಗಾತ್ರದ ಮರವೊಂದರ ಟೊಂಗೆ ಸೋಮವಾರ ಧರೆಗುರುಳಿದೆ.

ಈ ಸಮಯದಲ್ಲಿ ಶಾಲೆ ನಡೆಯುತ್ತಿತ್ತು. ರಸ್ತೆಯಲ್ಲಿ ಮಕ್ಕಳು ಅಥವಾ ಇನ್ಯಾರೂ ಇಲ್ಲದೆ ಇದ್ದ ಕಾರಣ ಯಾವುದೇ ಅನಾಹುತ ನಡೆದಿಲ್ಲ. ಘಟನೆ ನಡೆದ ತಕ್ಷಣವೇ ಅರಣ್ಯ ಇಲಾಖೆ ಸಿಬ್ಬಂದಿ ಬಿದ್ದ ಮರವನ್ನು ತೆರವುಗೊಳಿಸಿ, ಸುಗಮ ಸಂಚಾರಕ್ಕೆ ಅನುವು ಮಾಡಿ ಕೊಟ್ಟಿದ್ದಾರೆ.

ಕುಸಿದ ಕಾಂಪೌಂಡ್: ಕುಳಗಿ ರಸ್ತೆಯ ವೆಂಕಟರಮಣ ದೇವಸ್ಥಾನದ ಹಿಂದಿನ ಭಾಗದ ಕಾಂಪೌಂಡ್ ಮಂಗಳವಾರ ಕುಸಿದು ಬಿದ್ದಿದೆ. ಅಲ್ಲಿಯೂ ಯಾವುದೇ ಹಾನಿ ಸಂಭವಿಸಿಲ್ಲ.

ಸ್ಥಳಕ್ಕೆ ಅಧಿಕಾರಿಗಳು ಭೇಟಿ ನೀಡಿದ್ದಾರೆ. ಕುಸಿದ ಕಾಂಪೌಂಡ್ ತೆರವು ಕಾರ್ಯ ಮಾಡುತ್ತೇವೆ ಎಂದು ದೇವಸ್ಥಾನ ಕಮಿಟಿಯ ಕಾರ್ಯದರ್ಶಿ ಸುರೇಶ್ ಕಾಮತ್ ತಿಳಿಸಿದ್ದಾರೆ.