ಅಂಕೋಲಾ | ವಾಹನ ಡಿಕ್ಕಿಯಾಗಿ ಚಿರತೆ ಸಾವು

ಅಂಕೋಲಾ: ತಾಲ್ಲೂಕಿನ ಮಾದನಗೇರಿಯ ಹೊಸೂರ ಸೇತುವೆಯ ಬಳಿ ಶುಕ್ರವಾರ ನಸುಕಿವ ಜಾವ ಅಪರಿಚಿತ ವಾಹನ ಡಿಕ್ಕಿಯಾಗಿ ಹೆಣ್ಣು ಚಿರತೆಯೊಂದು ಮೃತ ಪಟ್ಟಿದೆ.

ಅಂದಾಜು ಒಂದೂವರೆ ವರ್ಷದ ಚಿರತೆ ಇದಾಗಿದೆ‌. ಆಹಾರ ಹುಡುಕಾಟಕ್ಕೆ ಗುಡ್ಡದಿಂದ ಇಳಿದು ರಸ್ತೆ ದಾಟುವಾಗ ವಾಹನ ಬಡಿದಿರಬಹುದು ಎಂದು ಶಂಕಿಸಲಾಗಿದೆ.

'ಚಿರತೆ ಸಾವಿಗೆ ಸಂಬಂಧಿಸಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ. ಅಪಘಾತ ಪಡಿಸಿದವರಿಗೆ ಹುಡುಕಾಟ ನಡೆಸಲಾಗುವುದು' ಎಂದು ಆರ್.ಎಫ್.ಒ. ಜಿ.ವಿ. ನಾಯ್ಕ ತಿಳಿಸಿದ್ದಾರೆ