ಸ್ಥಾನಿಕ ನಿರ್ದೇಶಕರಾಗಿ ಪ್ರಮೋದ ರಾಯಚೂರು
Published 1 ಅಕ್ಟೋಬರ್ 2022, 14:21 IST
ಪ್ರಮೋದ ರಾಯಚೂರ
ಕಾರವಾರ: ತಾಲ್ಲೂಕಿನ ಕೈಗಾ ಅಣು ವಿದ್ಯುತ್ ಉತ್ಪಾದನಾ ಕೇಂದ್ರದ ಒಂಬತ್ತನೇ ಸ್ಥಾನಿಕ ನಿರ್ದೇಶಕರಾಗಿ ಕನ್ನಡಿಗ ಪ್ರಮೋದ ಗೋವಿಂದಾಚಾರ್ಯ ರಾಯಚೂರು ನಿಯುಕ್ತಿಗೊಂಡಿದ್ದಾರೆ. ಈ ಮೊದಲು ಸ್ಥಾನಿಕ ನಿರ್ದೇಶಕರಾಗಿದ್ದ ರಾಜೇಂದ್ರ ಗುಪ್ತ ಮುಂಬೈಗೆ ವರ್ಗಾವಣೆಯಾಗಿದ್ದಾರೆ.
ಪ್ರಮೋದ ಅವರು ಪ್ರಸ್ತುತ ಕೈಗಾ ಅಣು ವಿದ್ಯುತ್ ಕೇಂದ್ರದ ಒಂದು ಮತ್ತು ಎರಡನೇ ಘಟಕಗಳ ಕೇಂದ್ರ ನಿರ್ದೇಶಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಈ ಹಿಂದೆ ಕೈಗಾ ಸೇರಿದಂತೆ ದೇಶದ ವಿವಿಧ ಅಣು ವಿದ್ಯುತ್ ಘಟಕಗಳಲ್ಲಿ ಹಲವು ಹುದ್ದೆಗಳನ್ನು ಅವರು ನಿಭಾಯಿಸಿದ್ದಾರೆ.
ಕೈಗಾದಲ್ಲಿ ಪ್ರಸ್ತುತ 220 ಮೆಗಾವಾಟ್ ಸಾಮರ್ಥ್ಯದ ನಾಲ್ಕು ಘಟಕಗಳು ಕಾರ್ಯ ನಿರ್ವಹಿಸುತ್ತಿವೆ. 700 ಮೆಗಾವಾಟ್ ಸಾಮರ್ಥ್ಯದ ಮತ್ತೆರಡು ಘಟಕಗಳ ನಿರ್ಮಾಣ ಆಗಲಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.