ಭಟ್ಕಳ: ಮತ್ತೆ ಮೂವರಲ್ಲಿ ಸೋಂಕು

ಕಾರವಾರ:ಭಟ್ಕಳದಲ್ಲಿ ಮೂವರು ಮಹಿಳೆಯರಿಗೆ ಕೋವಿಡ್ 19 ಸೋಂಕು ತಗುಲಿರುವುದು ದೃಢವಾಗಿದೆ. ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆಶನಿವಾರ ಆರಕ್ಕೇರಿದೆ.

ಮಾರ್ಚ್ 20ಕ್ಕೆ ದುಬೈನಿಂದ ಭಟ್ಕಳದ ಮನೆಗೆಬಂದಿದ್ದ 65 ವರ್ಷದ ವ್ಯಕ್ತಿಗೆ ಕೋವಿಡ್ 19 ದೃಢಪಟ್ಟಿತ್ತು. ಅವರ54 ವರ್ಷದ ಪತ್ನಿ, 28 ಮತ್ತು 23 ವರ್ಷದ ಇಬ್ಬರು ಪುತ್ರಿಯರ ಗಂಟಲು ದ್ರವದ ಮಾದರಿಯನ್ನು ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಶಿವಮೊಗ್ಗದ ಪ್ರಯೋಗಾಲಯದ ವರದಿ ಬಂದಿದ್ದು, ಮೂವರಲ್ಲೂ ಸೋಂಕು ಖಚಿತವಾಗಿದೆ. ಎಲ್ಲರನ್ನೂ ಕಾರವಾರದ ಸೀಬರ್ಡ್‌ ನೌಕಾನೆಲೆಯ ‘ಐಎನ್ಎಸ್ ಪತಂಜಲಿ’ ಆಸ್ಪತ್ರೆಗೆ ದಾಖಲಿಸಲಾಗಿದೆ.