ಹೊನ್ನಾವರ: ತೆಂಗಿನ ಮರದಿಂದ ಬಿದ್ದು ಸಾವು

ಹೊನ್ನಾವರ: ತಾಲ್ಲೂಕಿನ ಕಡತೋಕ ಹೆಬ್ಳೆಕೇರಿಯ ತೋಟವೊಂದರಲ್ಲಿ ಮಂಗಳವಾರ ತೆಂಗಿನಮರದಿಂದ ಬಿದ್ದು ಕೂಲಿಕಾರರೋರ್ವರು ಮೃತಪಟ್ಟಿದ್ದಾರೆ.

ಕೆಕ್ಕಾರ ಹೂಜಿಮುರಿ ನಿವಾಸಿ ಮಂಜುನಾಥ ನಾರಾಯಣ ಮುಕ್ರಿ (46) ಮೃತರು.

'ಹೆಬ್ಳೆಕೇರಿಯ ಮಂಜುನಾಥ ರಾಮಕೃಷ್ಣ ಭಟ್ಟ ಅವರ ತೋಟದಲ್ಲಿ ಬಾಗಿದ ತೆಂಗಿನಮರವನ್ನು ನೇರ ಮಾಡುವ ಕೆಲಸ ಮಾಡುತ್ತಿರುವಾಗ ಮಂಜುನಾಥಮುಕ್ರಿ ಕೆಳಗೆ ಬಿದ್ದು ಗಾಯಗೊಂಡರು. ತೀವ್ರ ಗಾಯಗೊಂಡಿದ್ದ ಅವರನ್ನು ಚಿಕಿತ್ಸೆಗೆ ಆಸ್ಪತ್ರೆಗೆ ದಾಖಲಿಸುವ ಮೊದಲೇ ಅವರು ಮೃತಪಟ್ಟರು' ಎಂದು ಇಲ್ಲಿನ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತಿಳಿಸಲಾಗಿದೆ.