ಜೊಯಿಡಾ | ಜೋಡಿ ಕರಡಿ ದಾಳಿ:ವ್ಯಕ್ತಿ ಗಂಭೀರ

ಜೊಯಿಡಾ (ಉತ್ತರ ಕನ್ನಡ ಜಿಲ್ಲೆ): ತಾಲ್ಲೂಕಿನ ಹುಡಸಾದಲ್ಲಿ (ಕೈಟೆನಾಳ) ಶನಿವಾರ ಎರಡು ಕರಡಿಗಳು ಸೇರಿ ದಾಳಿ ನಡೆಸಿದ ಪರಿಣಾಮ ತುಕಾರಾಮ ದೇಸಾಯಿ (45) ಎಂಬುವರಿಗೆ ಗಾಯಗಳಾಗಿವೆ. ಅವರು ಕಾಲುದಾರಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಘಟನೆ ನಡೆದಿದೆ.

‘ತುಕಾರಾಮ ದೇಸಾಯಿ ಅವರಿಗೆ ಜೊಯಿಡಾ ತಾಲ್ಲೂಕು ಆಸ್ಪತ್ರೆಯಲ್ಲಿ ಪ್ರಾಥಮಿಕ ಚಿಕಿತ್ಸೆ ನೀಡಿ, ಹೆಚ್ಚಿನ ಚಿಕಿತ್ಸೆಗಾಗಿ ಧಾರವಾಡ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ’ ಎಂದು ಗ್ರಾಮಸ್ಥರು ತಿಳಿಸಿದ್ದಾರೆ.