ಪಿಯುಗೆ 24,421 ವಿದ್ಯಾರ್ಥಿಗಳು

ವಿಜಾಪುರ: ಪಿಯುಸಿ ದ್ವಿತೀಯ ವರ್ಷದ ವಾರ್ಷಿಕ ಪರೀಕ್ಷೆ ಇದೇ 12ರಿಂದ 27ರ ವರೆಗೆ ನಡೆಯಲಿದ್ದು, ಜಿಲ್ಲೆಯ 24, 421 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಲಿದ್ದಾರೆ.

ಜಿಲ್ಲೆಯ 162 ಕಾಲೇಜುಗಳ 24,421 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗುತ್ತಿದ್ದು, ಈ ಪೈಕಿ 15,877 ಕಲಾ ವಿದ್ಯಾರ್ಥಿಗಳು,  2,895 ವಾಣಿಜ್ಯ ವಿದ್ಯಾರ್ಥಿಗಳು, 5,649 ವಿಜ್ಞಾನ ವಿದ್ಯಾರ್ಥಿಗಳು ಇದ್ದಾರೆ.

16,923 ವಿದ್ಯಾರ್ಥಿಗಳು ಮೊದಲ ಬಾರಿಗೆ ದ್ವಿತೀಯ ಪಿಯುಸಿ ಪರೀಕ್ಷೆ ಎದುರಿಸುತ್ತಿದ್ದಾರೆ. 6,343 ವಿದ್ಯಾರ್ಥಿ ಗಳು  ಮರು ಪರೀಕ್ಷೆಗೆ ಹಾಜರಾಗ ಲಿದ್ದು, 1,100 ಖಾಸಗಿ ವಿದ್ಯಾರ್ಥಿ ಗಳು ಪರೀಕ್ಷೆಗೆ ನೋಂದಾಯಿಸಿ ಕೊಂಡಿದ್ದಾರೆ.

ಜಿಲ್ಲೆಯಲ್ಲಿ 41 ಪರೀಕ್ಷಾ ಕೇಂದ್ರ ಗಳನ್ನು ತೆರೆಯಲಾಗಿದ್ದು, ಅವುಗಳಲ್ಲಿ 14 ಸೂಕ್ಷ್ಮ ಹಾಗೂ ಎರಡು ಅತಿ ಸೂಕ್ಷ್ಮ ಪರೀಕ್ಷಾ ಕೇಂದ್ರಗಳೆಂದು ಗುರುತಿಸಲಾಗಿದೆ. ವಿಜಾಪುರ ತಾಲ್ಲೂ ಕಿನಲ್ಲಿ 15, ಇಂಡಿ ತಾಲ್ಲೂಕಿನಲ್ಲಿ 8, ಸಿಂದಗಿ ತಾಲ್ಲೂಕಿನಲ್ಲಿ  9, ಬಸವನ ಬಾಗೇವಾಡಿ ತಾಲ್ಲೂಕಿನಲ್ಲಿ 6 ಹಾಗೂ ಮುದ್ದೇಬಿಹಾಳ ತಾಲ್ಲೂಕಿನಲ್ಲಿ 3 ಪರೀಕ್ಷಾ ಕೇಂದ್ರ ಗುರುತಿಸಲಾಗಿದೆ.

ಪರೀಕ್ಷಾ ಅಕ್ರಮಗಳಿಗೆ ಅವಕಾಶ ಇಲ್ಲದಂತೆ ಹಾಗೂ ಸುಗಮ ಪರೀಕ್ಷೆ ಗಾಗಿ  ಕೇಂದ್ರವಾರು ಜಾಗೃತ ದಳ ನಿಯೋಜಿಸಲಾಗಿದೆ ಎಂದು ಡಿಡಿಪಿಯು ತಿಳಿಸಿದ್ದಾರೆ.

ಸುವ್ಯವಸ್ಥಿತವಾಗಿ ಪರೀಕ್ಷೆಯನ್ನು ನಡೆಸಲು  ಇದೇ 12ರಿಂದ 27ರ ವರೆಗೆ ಪರೀಕ್ಷಾ ಕೇಂದ್ರಗಳ 200 ಮೀಟರ್‌ ವ್ಯಾಪ್ತಿಯನ್ನು ನಿಷೇಧಿತ ಪ್ರದೇಶವೆಂದು ಜಿಲ್ಲಾ ದಂಡಾಧಿಕಾರಿಗಳು ಘೋಷಿಸಿ ದ್ದಾರೆ. ಪರೀಕ್ಷೆ ಅವಧಿ ಮುಗಿಯುವ ವರೆಗೂ ಸಮೀಪದಲ್ಲಿರುವ ಝರಾಕ್ಸ್ ಅಂಗಡಿಗಳನ್ನು ಬೆಳಿಗ್ಗೆ 6ರಿಂದ ಸಂಜೆ 6ರವರೆಗೆ  ಬಂದ್ ಗೆ ಆದೇಶಿಸಿದ್ದಾರೆ.