ಮಹಾಶಿವರಾತ್ರಿ: ಸಂಗೀತ ಸಂಧ್ಯಾ, ಹರಿಕಥೆ ನಾಳೆ

ಸೋಲಾಪುರ: ನಗರದ ಹೊಟಗಿ ಮಠದಲ್ಲಿ ಮಹಾಶಿವರಾತ್ರಿ, ಜಗದ್ಗುರು ಪಂಡಿತಾರಾಧ್ಯ ಹಾಗೂ ವಿಶ್ವರಾಧ್ಯ ಜಯಂತಿ ಅಂಗವಾಗಿ ಫೆ.15ರಂದು ವಿವಿಧ ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮ ಆಯೋಜಿಸಲಾಗಿದೆ.

ಬೆಳಿಗ್ಗೆಯಿಂದಲೇ ಮಹಾಪೂಜೆ, ಲಘುರುದ್ರ, ಮಹಾನೈವೇದ್ಯ ಹಾಗೂ ಭಕ್ತರಿಗೆ ಪ್ರಸಾದ ವಿತರಣೆ ನಡೆಯಲಿದೆ. ಸಂಜೆ ಭಕ್ತಿಗೀತೆಗಳ ಸಂಗೀತ ಸಂಧ್ಯಾ ಹಾಗೂ ಹರಿಕಥೆ ಕಾರ್ಯಕ್ರಮಗಳು ನಡೆಯಲಿವೆ.

ಸಂಜೆ 7 ಗಂಟೆಗೆ ದೀಪೋತ್ಸವ ಹಾಗೂ ವೀರ ತಪಸ್ವಿ ಪಲ್ಲಕ್ಕಿ ಮೆರವಣಿಗೆ ಜರುಗಲಿದೆ. ರಾತ್ರಿ 10 ಗಂಟೆಗೆ ಭಜನೆ ಹಾಗೂ ಜಾಗರಣೆ ನಡೆಯಲಿದೆ.