ಸೋಲಾಪುರ: ಭಾರಿ ಮಳೆ, ಯಲ್ಲೊ ಅಲರ್ಟ್ ಘೋಷಣೆ

ಸೋಲಾಪುರ: ನಗರದಲ್ಲಿ ಬುಧವಾರ ರಾತ್ರಿ ಎರಡೂವರೆ ಗಂಟೆ ಸುರಿದ ಮಳೆಯಿಂದ ಸುಮಾರು 37.4 ಮಿಲಿ ಮೀಟರ್ ಮಳೆ ದಾಖಲಾಗಿದೆ ಎಂದು ಹವಾಮಾನ ಇಲಾಖೆ ವರದಿ ಮಾಡಿದೆ.

ನಗರದಲ್ಲಿ ಸೆಪ್ಟೆಂಬರ್ 14ರವರೆಗೆ ಹವಾಮಾನ ಇಲಾಖೆ ಯೆಲ್ಲೊ ಅಲರ್ಟ್ ಘೋಷಿಸಲಾಗಿದೆ. ಪ್ರತಿ ದಿನ 10 ಮಿ.ಮೀಯಿಂದ 15 ಮಿ.ಮೀ ಮಳೆಯಾಗುವ ನಿರೀಕ್ಷೆ ಇದೆ. ಪ್ರತಿ ಗಂಟೆಗೆ 30 ರಿಂದ 40 ಕಿ.ಮೀ ವೇಗದಲ್ಲಿ ಗಾಳಿ ಬೀಸಲಿದೆ ಎಂದು ಅಂದಾಜು ಮಾಡಲಾಗಿದೆ.

ಮಳೆಯು ಅಕ್ಟೋಬರ್ 15ರವರೆಗೆ ಇರುವ ಅಂದಾಜು ಇದೆ. ಮಧ್ಯದಲ್ಲಿ ಭಾರಿ ಮಳೆಯಾಗುವ ನಿರೀಕ್ಷೆ ಇದೆ ಎಂದು ಹವಾಮಾನ ತಜ್ಞ ರಾಮಚಂದ್ರ ಸಾಬಳೆ ಹೇಳಿದ್ದಾರೆ.