ಹಾಲಗೇರಾ ಮೊಹರಂ ಗಲಾಟೆ: ಪ್ರತಿ ದೂರು

ವಡಗೇರಾ: ತಾಲ್ಲೂಕಿನ ಹಾಲಗೇರಾ ಗ್ರಾಮದಲ್ಲಿ ಮೊಹರಂ ಫೀರ್‌ ದಫನ್ ಸಮಯದಲ್ಲಿ ಉಂಟಾಗಿದ್ದ ಗಲಾಟೆ ಸಂಬಂಧ ಕಬ್ಬಲಿಗ ಸಮುದಾಯದವರು ಪ್ರತಿ ದೂರು ನೀಡಿದ್ದಾರೆ.

ಮೊಹರಂ ಆಚರಣೆ ವೇಳೆ ಹಲಗೆ ಬಾರಿಸಲು ಹೋಗದಿದ್ದಕ್ಕೆ ಮಾದಿಗ ಸಮುದಾಯದವರ ಮೇಲೆ ಕಬ್ಬಲಿಗ ಸಮುದಾಯದವರು ಹಲ್ಲೆ ನಡೆಸಿದ್ದಾರೆ ಎಂದು ದೂರಿ ರಾಮಚಂದ್ರ ಪರಪ್ಪ ಕರಡಿ ಅವರು ವಡಗೇರಾ ಪೊಲೀಸ್ ಠಾಣೆಯಲ್ಲಿ 16 ಮಂದಿ ವಿರುದ್ಧ ಪ್ರಕರಣ ದಾಖಲಿಸಿದ್ದರು.

ಗ್ರಾಮದ ದಲಿತ ಸಮುದಾಯದ ವಿಲ್ಸನ್ ರಾಜಪ್ಪ ಮುಂಡರಗಿ ಹಾಗೂ 19 ಜನರು ಜೀವ ಬೆದರಿಕೆ ಹಾಗೂ ಅವಾಚ್ಯ ಶಬ್ದಗಳಿಂದ ನಿಂದನೆ ಮಾಡಿದ್ದಾರೆ ಎಂದು ಆರೋಪಿಸಿ ಕಬ್ಬಲಿಗ ಸಮಾಜದ ಗೋವಿಂದಪ್ಪ ಸಾಬಣ್ಣ ಕಲ್ಮನಿ ಅವರು ಶುಕ್ರವಾರ ದೂರು ನೀಡಿದ್ದು, ಪ್ರಕರಣ ದಾಖಲಾಗಿದೆ.