ಸಂತ್ರಸ್ತರ ಕುಟುಂಬಕ್ಕೆ ನ್ಯಾಯಾಧೀಶರ ಸಾಂತ್ವನ

ಯಾದಗಿರಿ: ಹುಣಸಗಿ ತಾಲ್ಲೂಕಿನ ನಾರಾಯಣಪುರ ಗ್ರಾಮದಲ್ಲಿ ಜೂನ್ 29ರಂದು ವ್ಯಕ್ತಿಯೊಬ್ಬ ಕೋಣೆಗೆ ಬೆಂಕಿ ಹಚ್ಚಿ ನಾಲ್ಕು ಜನರ ಸಾವಿಗೆ ಕಾರಣವಾದ ಭೀಕರ ಕೃತ್ಯದ ಘಟನಾ ಸ್ಥಳಕ್ಕೆ ಹಿರಿಯ ಸಿವಿಲ್ ನ್ಯಾಯಾಧೀಶ ಹಾಗೂ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ಸಾಹಿಲ್ ಅಹಮದ್ ಕುನ್ನಿಭಾವಿ ಅವರು ಬುಧವಾರ ಭೇಟಿ ನೀಡಿದರು.

ಆರೋಪಿ ಶರಣಪ್ಪನಿಂದ ಮೃತಪಟ್ಟವರ, ಕುಟುಂಬದ ಸದಸ್ಯರನ್ನು ಭೇಟಿ ಮಾಡಿ ಸಾಂತ್ವನ ಹೇಳಿದರು.

ಮೃತಪಟ್ಟವರ, ಕುಟುಂಬ ಸಂತ್ರಸ್ತರು, ಸಂತ್ರಸ್ತರ ಪರಿಹಾರ ನಿಧಿ ಅಡಿಯಲ್ಲಿ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರಕ್ಕೆ ಅರ್ಜಿ ಸಲ್ಲಿಸಲು ತಿಳಿಸಿದರು.

ಪತ್ನಿ ವಿಚ್ಛೇದನ ನೀಡದಕ್ಕೆ ಕುಪಿತಗೊಂಡ ಪತಿ ಶರಣಪ್ಪ ಇತ್ತೀಚೆಗೆ ಆಕೆಯ ತಂದೆ ಮತ್ತು ಮೂವರು ಸಂಬಂಧಿಕರನ್ನು ನ್ಯಾಯ ಪಂಚಾಯಿತಿ ಮಾಡೋಣವೆಂದು ಕರೆಯಿಸಿ, ಬಂದವರಿಗೆ ಮನೆಯಲ್ಲಿ ಕೂಡಿ ಹಾಕಿ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿ ಸಜೀವ ದಹನ ಮಾಡಲು ಮುಂದಾದ ಘಟನೆ ನಡೆದಿತ್ತು. ಬೆಂಕಿ ಅನಾಹುತದಲ್ಲಿ ನಾಲ್ವರು ಮೃತಪಟ್ಟಿದ್ದರು.