ನಾರಾಯಣಪುರ– ಹೈದರಾಬಾದ್‌ ಮಧ್ಯೆ ನೂತನ ಬಸ್‌

ನಾರಾಯಣಪುರ: ನಾರಾಯಣಪುರ–ಹೈದರಾಬಾದ್‌ ಮಧ್ಯೆ ಬಸ್‌ ಸಂಚಾರ ಆರಂಭವಾಗಿದ್ದು, ಇಲ್ಲಿನ ಬಸ್‌ ನಿಲ್ದಾಣದಲ್ಲಿ ಗ್ರಾಮಸ್ಥರು ನೂತನ ಬಸ್‌ಗೆ ಪೂಜೆ ಸಲ್ಲಿಸಿದರು.

ಬಸ್‌ ನಾರಾಯಣಪುರದಿಂದ ಸಂಜೆ 7 ಗಂಟೆಗೆ ಹೊರಟು ಕೊಡೇಕಲ್ಲ, ಹುಣಸಗಿ, ಸುರಪುರ, ಯಾದಗಿರಿ ಮಾರ್ಗವಾಗಿ ಹೈದರಾಬಾದ್‌ಗೆ ಬೆಳಿಗ್ಗೆ 4 ಗಂಟೆಗೆ ತಲುಪುತ್ತದೆ. ಪುನಃ ಹೈದರಾಬಾದ್‌ದಿಂದ ಸಂಜೆ 6.30 ನಿಮಿಷಕ್ಕೆ ಬಿಟ್ಟು ಯಾದಗಿರಿ ಮಾರ್ಗದಿಂದ ನಾರಾಯಣಪುರಕ್ಕೆ ಬೆಳಗಿನ ಜಾವ 3.30ಕ್ಕೆ ತಲುಪಲಿದೆ ಎಂದು ಘಟಕ ವ್ಯವಸ್ಥಾಪಕರು ತಿಳಿಸಿದ್ದಾರೆ.

ಸಂಚಾರ ನಿಯಂತ್ರಕ ಅಶೋಕ ಶಾಬಾದಿ, ಚಾಲಕ ಗುರುರಾಜ, ನಿರ್ವಾಹಕ ಬಾಳಪ್ಪ, ಮಹಾಂತೇಶ ಪಾಟೀಲ, ಪ್ರಶಾಂತ ರಾಠಿ, ಸಂಗು ಕೆಂಡದ ಸೇರಿದಂತೆ ಗ್ರಾಮಸ್ಥರು ಹಾಜರಿದ್ದರು.