ಪದವಿಪೂರ್ವ ಕಾಲೇಜು: ಬಯೊಮೆಟ್ರಿಕ್‌ ಕಡ್ಡಾಯ

ಬೆಂಗಳೂರು: ಎಲ್ಲ ಸರ್ಕಾರಿ ಮತ್ತು ಅನುದಾನಿತ ಪದವಿಪೂರ್ವ ಕಾಲೇಜುಗಳಲ್ಲಿ ಆನ್‌ಲೈನ್‌ ಹಾಜರಾತಿಯನ್ನು ಖಚಿತಪಡಿಸುವಬಯೊಮೆಟ್ರಿಕ್‌ ವ್ಯವಸ್ಥೆಯನ್ನು ಕಡ್ಡಾಯವಾಗಿ ಅಳವಡಿಸಬೇಕು ಎಂದು ಸೂಚನೆ ನೀಡಲಾಗಿದೆ.

2100 ಕಾಲೇಜುಗಳ ಪೈಕಿ 960 ಕಾಲೇಜುಗಳು ಮಾತ್ರ ಬಯೊಮೆಟ್ರಿಕ್‌ ಅಳವಡಿಸಿಕೊಂಡಿದ್ದು, 18 ಸಾವಿರ ನೌಕರರ ಪೈಕಿ 14,305 ಮಂದಿ ಮಾತ್ರ ಆಧಾರ್‌ ಆಧಾರಿತ ಆನ್‌ಲೈನ್‌ ಬಯೊಮೆಟ್ರಿಕ್‌ ಹಾಜರಾತಿಗಾಗಿ ktpue.attendence.gov.in ಇಲ್ಲಿ ನೋಂದಣಿ ಮಾಡಿದ್ದಾರೆ. ಬಯೊಮೆಟ್ರಿಕ್‌ ಹಾಜರಾತಿಯನ್ನು ಶೀಘ್ರ ಪ್ರಾರಂಭಿಸಬೇಕಿದ್ದು, ಕ್ರಮ ಕೈಗೊಳ್ಳದ ಪ್ರಾಂಶುಪಾಲರ ವಿರುದ್ಧ ಶಿಸ್ತು ಕ್ರಮ ಕೈಗೊಳ್ಳಲಾಗುವುದು ಎಂದು ಇಲಾಖೆಯ ಜಂಟಿ ನಿರ್ದೇಶಕರು ಎಚ್ಚರಿಕೆ ನೀಡಿದ್ದಾರೆ.

‘ಪ್ರಜಾವಾಣಿ’ ಈ ಕುರಿತು ತಿಂಗಳ ಹಿಂದೆ ವರದಿ ಪ್ರಕಟಿಸಿತ್ತು.