ಎಐಸಿಸಿ ಸದಸ್ಯ ಕೈಸರ್‌ ಎಲ್‌ಜೆಪಿಗೆ

ಪಟ್ನಾ (ಪಿಟಿಐ): ಬಿಹಾರ ಕಾಂಗ್ರೆಸ್‌ ಘಟಕದ ಮಾಜಿ ಅಧ್ಯಕ್ಷ ಮತ್ತು ಎಐಸಿಸಿ ಸದಸ್ಯ ಚೌಧರಿ ಮೆಹಬೂಬ್‌ ಕೈಸರ್‌ ಅವರು ಬುಧವಾರ ಕಾಂಗ್ರೆಸ್‌ ತೊರೆದು ರಾಂವಿಲಾಸ್‌ ಪಾಸ್ವಾನ್‌ ನೇತೃತ್ವದ ಎಲ್‌ಜೆಪಿ ಸೇರಿದ್ದಾರೆ. ಖಗರಿಯ ಲೋಕಸಭಾ ಕ್ಷೇತ್ರದ ಅಭ್ಯರ್ಥಿಯಾಗಿ ಅವರಿಗೆ ಎಲ್‌ಜೆಪಿ ಟಿಕೆಟ್‌ ನೀಡಿದೆ.
ಜಾತ್ಯತೀತತೆ ಅಥವಾ ಕೋಮುವಾದ ಎಂಬುದು ಚುನಾವಣೆಯ ತಂತ್ರ ಎಂದು  ಕೈಸರ್‌ ಮತ್ತು ಪಾಸ್ವಾನ್‌ ಈ ಸಂದರ್ಭದಲ್ಲಿ ಹೇಳಿದರು. 
ಬಿಜೆಪಿಗೆ ಕೃಪಾಲ್‌: ಟಿಕೆಟ್‌ ಸಿಗದ ಕಾರಣ ರಾಷ್ಟ್ರೀಯ ಜನತಾ ದಳವನ್ನು (ಆರ್‌ಜೆಡಿ) ತೊರೆದಿದ್ದ ರಾಂಕೃಪಾಲ್‌ ಯಾದವ್‌ ಬುಧವಾರ ಬಿಜೆಪಿ ಸೇರಿದ್ದಾರೆ.