ಮೀಸಾ ವಿರುದ್ಧ ಕೃಪಾಲ್‌ ಸ್ಪರ್ಧೆ

ಪಟ್ನಾ (ಐಎಎನ್‌ಎಸ್): ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್‌ ಅವರ ಮಗಳು ಮೀಸಾ ಭಾರತಿ ವಿರುದ್ಧ ಪಾಟಲೀ­ಪುತ್ರ ಕ್ಷೇತ್ರದಿಂದ ಸ್ಪರ್ಧಿಸುವು­ದಾಗಿ ರಾಂ ಕೃಪಾಲ್‌ ಯಾದವ್‌ ಸ್ಪಷ್ಟಪಡಿಸಿದ್ದಾರೆ.

ಪಾಟಲೀಪುತ್ರ ಕ್ಷೇತ್ರದಿಂದ  ಸ್ಪರ್ಧಿ­ಸಲು ಕೃಪಾಲ್‌ ಬಯಸಿದ್ದರು.  ಆದರೆ ಆರ್‌ಜೆಡಿ ಮೀಸಾ ಅವರಿಗೆ ಟಿಕೆಟ್ ನೀಡಿದ್ದನ್ನು ವಿರೋಧಿಸಿ ಕೃಪಾಲ್‌ ಶನಿವಾರ ಪಕ್ಷದ ಪ್ರಧಾನ ಕಾರ್ಯದರ್ಶಿ ಹುದ್ದೆಗೆ ರಾಜೀನಾಮೆ ನೀಡಿದ್ದರು.

ಶೀಘ್ರದಲ್ಲಿಯೇ ಪಕ್ಷದ ಪ್ರಾಥಮಿಕ ಸದಸ್ಯತ್ವಕ್ಕೂ ಅವರು ರಾಜೀನಾಮೆ ನೀಡಲಿದ್ದಾರೆ ಎನ್ನಲಾಗಿದೆ.
‘ನನ್ನ ಬೆಂಬಲಿಗರೊಂದಿಗೆ ಚರ್ಚಿಸಿ ಈ ನಿರ್ಧಾರಕ್ಕೆ ಬಂದಿದ್ದೇನೆ’ ಎಂದು ಕೃಪಾಲ್‌ ತಿಳಿಸಿದ್ದಾರೆ.