ಪಕ್ಷಗಳ ಪ್ರತಿಕ್ರಿಯೆ

ಒಂದು ವೇಳೆ ಕಾಂಗ್ರೆಸ್‌ ಗೆದ್ದರೆ...

ಬಿಜೆಪಿ: ಜನರ ತೀರ್ಪನ್ನು ಸ್ವೀಕರಿಸುತ್ತೇವೆ. ಪಕ್ಷ ನಡೆಸಿದ ಪ್ರಚಾರ ಮತ್ತು ಚುನಾವಣಾ ಕಾರ್ಯತಂತ್ರಗಳ ಬಗ್ಗೆ ಕೂಲಂಕಷ ಪರಿಶೀಲನೆ ನಡೆಸುತ್ತೇವೆ.

ಕಾಂಗ್ರೆಸ್‌: ಪ್ರಜಾಪ್ರಭುತ್ವಕ್ಕೆ ಗೆಲುವಾಗಿದೆ. ಇದು ರಾಹುಲ್‌ ಗಾಂಧಿ ಅವರ ಮ್ಯಾಜಿಕ್‌.

ಒಂದು ವೇಳೆ ಬಿಜೆಪಿ ಗೆದ್ದರೆ...

ಕಾಂಗ್ರೆಸ್‌: ಇವಿಎಂಗಳನ್ನು ದುರ್ಬಳಕೆ ಮಾಡಲಾಗಿದೆ. ಪ್ರಜಾಪ್ರಭುತ್ವ ಅಪಾಯದಲ್ಲಿದೆ.

ಬಿಜೆಪಿ: ಸಿದ್ದ ಎಲ್ಲಿದ್ದಾರೆ?

–ಹಿರೇಮಠ, @Prash1008

*** 

ಬಿಜೆಪಿ - ಯಾವ್ದಕ್ ವೋಟ್ ಹಾಕ್ದೇ?, ನಾನು - ಜೆಡಿಎಸ್

ಕಾಂಗ್ರೆಸ್ - ಯಾವ್ದಕ್ ವೋಟ್ ಹಾಕ್ದೇ?, ನಾನು - ಬಿಜೆಪಿ

ಜೆಡಿಎಸ್ - ಯಾವ್ದಕ್ ವೋಟ್ ಹಾಕ್ದೇ... ಹೂವಿಗಾ? ಹೊರೆಗಾ?, ನಾನು - ಕಾಂಗ್ರೆಸ್

ಇನ್ಯಾರಾದ್ರೂ ಕೇಳಿದ್ರೆ "ನೋಟಾ"

–ಸ್ಕಂದ ಕೆ.ಎನ್‌., @SkandaKN

***

ಮಳೆ ಬಂದಾಯಿತು, ಭೂಮಿ ಕೆಸರಾಯಿತು, ಕೈ ಕೆಸರು ಮಾಡಿಕೊಂಡು ಬಾಯಿ ಮೊಸರು ಮಾಡಿಕೊಳ್ಳೋಣ... ಕಾಂಗ್ರೆಸ್...

ಮಳೆ ಬಂದಾಯಿತು, ಭೂಮಿ ಕೆಸರಾಯಿತು, ತೆನೆ ಹಸಿರಾಗೋದೊಂದೇ ಬಾಕಿ ... ಜೆಡಿಎಸ್...

ಮಳೆ ಬಂದಾಯಿತು, ಭೂಮಿ ಕೆಸರಾಯಿತು, ಕಮಲ ಅರಳುವುದೊಂದೇ ಬಾಕಿ.. ಬಿಜೆಪಿ ...

ಸಕಾರಾತ್ಮಕ ಯೋಚನೆಗಳು

–ಅಂಜನ್‌ ಮೋಹಿನಿ, @jagatthu1999