ಬೆಂಗಳೂರು: ಮದುವೆ ಸಮಾರಂಭದಲ್ಲಿ ವಿರಾಟ್ ಕೊಹ್ಲಿ ತನ್ನ ಪಕ್ಕದಲ್ಲಿಯೇ ಕುಳಿತ ಗೆಳತಿ ಅನುಷ್ಕಾ ಶರ್ಮಾಗೆ ಜೀವನದ ಪ್ರತಿ ಹಂತದಲ್ಲಿ ಜೋಪಾನ ಮಾಡುವ ಭರವಸೆ ನೀಡಿದ್ದಾರೆ. ಈ ವಿಡಿಯೊ ಪ್ರಸ್ತುತ ಸಾಮಾಜಿಕ ಮಾಧ್ಯಮಗಳಲ್ಲಿ ಬಹು ಚರ್ಚಿತ ವಿಷಯವಾಗಿದೆ.
ಮುದ್ದಾಗಿ ಸಿದ್ಧಗೊಂಡ ಜೋಡಿ ಎದುರಿಗೆ ಹಸೆಮಣೆಯಲ್ಲಿ ಕುಳಿತ ವಧು–ವರರ ಸಂಭಾಷಣೆಯನ್ನು ಊಹಿಸುತ್ತಿದ್ದಾರೆ. ತಿಂಗಳಲ್ಲಿ 15 ದಿನಗಳು ಅಡುಗೆ ಮಾಡುವುದಾಗಿ ವರ ಭರವಸೆ ನೀಡುತ್ತಿರುವುದಾಗಿ ವಿರಾಟ್ ಹೇಳುತ್ತಾರೆ.
ಅನುಷ್ಕಾ: (ಒಪ್ಪಿಗೆ ಸೂಚಿಸುತ್ತ) ರುಚಿಯ ಬಗ್ಗೆ ದೂರದೆ ತಿನ್ನುವೆ... ನಿನ್ನ ಎಲ್ಲ ಗುಟ್ಟುಗಳನ್ನು ಹೃದಯದಲ್ಲಿ ಬಚ್ಚಿಟ್ಟು ಕಾಪಾಡುವೆ.
ವಿರಾಟ್: ಎಂದಿಗೂ ನಿನ್ನನ್ನು ಬದಲಿಸುವ ಜಿದ್ದಿಗೆ ಬೀಳುವುದಿಲ್ಲ....
ಹೀಗೆ ವಿರುಷ್ಕಾ ನಡುವೆ ಭರವಸೆಗಳು ಮುಂದುವರಿದು ಒಬ್ಬರಿಗೊಬ್ಬರು ಜೋಪಾನ ಮಾಡುವ ಅಂತಿಮ ಮಾತಿನೊಂದಿಗೆ ಸಂಬಂಧ ಗಟ್ಟಿಗೊಳ್ಳುತ್ತದೆ.
‘ನಯೆ ರಿಷ್ತೆ ನಯೆ ವಾದೆ’ ಹೆಸರಿನ ಟಿವಿ ಜಾಹೀರಾತಿನಲ್ಲಿ ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಹಾಗೂ ನಟಿ ಅನುಷ್ಕಾ ಶರ್ಮಾ ಜತೆಯಾಗಿ ಕಾಣಿಸಿಕೊಂಡಿದ್ದಾರೆ. ಇಲ್ಲಿ ಇಬ್ಬರ ನಡುವಿನ ಮಾತು, ಪ್ರೀತಿ ಕಂಡ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದು, #NayeRishteNayeVaade ಮೂಲಕ ಟ್ವಿಟರ್ ಟ್ರೆಂಡ್ ಸೃಷ್ಟಿಯಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.