ಜಾಕ್ವೆಲಿನ್ ಜತೆ ಪ್ರಣಯ ಒಲ್ಲದ ಸಲ್ಮಾನ್

ಜಾಕ್ವೆಲಿನ್ ಜತೆ ಪ್ರಣಯ ದೃಶ್ಯಗಳಲ್ಲಿ ಪಾಲ್ಗೊಳ್ಳಲು ಸಲ್ಮಾನ್ ಖಾನ್ ಸ್ಪಷ್ಟವಾಗಿ ನಿರಾಕರಿಸಿರುವ ಸುದ್ದಿ ಬಾಲಿವುಡ್ ಅಂಗಳದಲ್ಲಿ ಹರಿದಾಡುತ್ತಿದೆ. `ಕಿಕ್' ಚಿತ್ರದ ಮೂಲಕ ಸಲ್ಮಾನ್ ಖಾನ್ ಹಾಗೂ ಜಾಕ್ವೆಲಿನ್ ಫರ್ನಾಂಡಿಸ್ ಜೋಡಿ ಇದೇ ಮೊದಲ ಬಾರಿಗೆ ನಟಿಸುತ್ತಿದ್ದು, ಚಿತ್ರೀಕರಣದ ಸಮಯದಲ್ಲೇ ಗಾಸಿಪ್‌ಗಳು ಹರಿದಾಡಲು ಆರಂಭಿಸಿವೆ.

`ಕಿಕ್' ಚಿತ್ರದ ಪ್ರಣಯ ದೃಶ್ಯವನ್ನು ತೆಗೆದು ಹಾಕುವ ಅಥವಾ ಅದನ್ನು ತಮ್ಮ ಅನುಕೂಲಕ್ಕೆ ತಕ್ಕಂತೆ ಬದಲಿಸಬೇಕು ಎಂದು ನಿರ್ದೇಶಕ ಸಾಜಿದ್ ನಾಡಿಯಾವಾಲಾ ಅವರಲ್ಲಿ ಸಲ್ಮಾನ್ ಕೇಳಿಕೊಂಡರಂತೆ ಎಂದು ಹೇಳಲಾಗುತ್ತಿದೆ.

`ಅಂಥ ದೃಶ್ಯ ಎಲ್ಲಿತ್ತು ಎಂಬುದೇ ನನಗೆ ತಿಳಿದಿಲ್ಲ. ನಾನು ಚಿತ್ರಕಥೆ ಓದಿದಂತೆ ಆ ರೀತಿಯ ದೃಶ್ಯ ಇರಲೇ ಇಲ್ಲ. ಹಾಗಿದ್ದರೂ ಅದು ಏಕೆ ಸುದ್ದಿಯಾಯಿತು ಎನ್ನುವುದು ತಿಳಿಯದು' ಎಂದಿದ್ದಾರೆ ಜಾಕ್ವೆಲಿನ್.