ಲೈಗರ್ ಚಿತ್ರದ ಪ್ರಚಾರ ಕಾರ್ಯಕ್ರಮದಲ್ಲಿ ಜನಜಂಗುಳಿ ಕಂಡು ದೇವರಕೊಂಡ–ಅನನ್ಯಾ ವಾಪಸ್

ಬೆಂಗಳೂರು: ಸಿನಿಮಾ ಪ್ರಚಾರ ಕಾರ್ಯಕ್ರಮದಲ್ಲಿ ಸೆಲೆಬ್ರಿಟಿಗಳು ಭಾಗವಹಿಸುತ್ತಾರೆ ಎಂದರೆ ಅಲ್ಲಿ ಅಭಿಮಾನಿಗಳು ದೊಡ್ಡ ಸಂಖ್ಯೆಯಲ್ಲಿ ಕಾಣಿಸಿಕೊಳ್ಳುತ್ತಾರೆ.

ಅದರಲ್ಲೂ ಇತ್ತೀಚಿನ ದಿನಗಳಲ್ಲಿ ಸಿನಿಮಾ ಬಿಡುಗಡೆಗೂ ಮೊದಲು, ಟ್ರೈಲರ್ ರಿಲೀಸ್, ಟೀಸರ್, ಮೋಶನ್ ಪೋಸ್ಟರ್ ರಿಲೀಸ್ ಎಂದು ವಿವಿಧ ಕಾರ್ಯಕ್ರಮ ನಡೆಸುವ ಮೂಲಕ ಭರ್ಜರಿ ಪ್ರಚಾರ ನಡೆಸುತ್ತಾರೆ.

ವಿಜಯ್ ದೇವರಕೊಂಡ ಮತ್ತು ಅನನ್ಯಾ ಪಾಂಡೆ ನಟನೆಯ ಬಹುನಿರೀಕ್ಷಿತ ಚಿತ್ರ ‘ಲೈಗರ್‘ ಬಿಡುಗಡೆಗೆ ಸಿದ್ಧವಾಗಿದೆ.

ಆಗಸ್ಟ್ 25ರಂದು ಚಿತ್ರ ತೆರೆಕಾಣುತ್ತಿದ್ದು, ಮುಂಬೈನಲ್ಲಿ ಚಿತ್ರದ ಪ್ರಚಾರ ಕಾರ್ಯಕ್ರಮವೊಂದನ್ನು ಆಯೋಜಿಸಲಾಗಿತ್ತು. ಅದರಲ್ಲಿ ವಿಜಯ್ ದೇವರಕೊಂಡ ಮತ್ತು ಅನನ್ಯಾ ಪಾಂಡೆ ಭಾಗವಹಿಸಿದ್ದರು.

ಆದರೆ, ಕಾರ್ಯಕ್ರಮಕ್ಕೆ ನಿಗದಿತ ಸಂಖ್ಯೆಗಿಂತ ಹೆಚ್ಚಿನ ಜನರು ಬಂದಿದ್ದು, ನಿರ್ವಹಣೆ ಕಷ್ಟವಾದಾಗ ಆಯೋಜಕರು ಅನಿವಾರ್ಯವಾಗಿ ವಿಜಯ್ ದೇವರಕೊಂಡ ಮತ್ತು ಅನನ್ಯಾ ಪಾಂಡೆಯವರನ್ನು ವಾಪಸ್ ಕಳುಹಿಸಿದ್ದಾರೆ.

ಜನರನ್ನು ನಿಯಂತ್ರಿಸಲು ಚಿತ್ರತಂಡ ಮತ್ತು ವಿಜಯ್ ದೇವರಕೊಂಡ ಯತ್ನಿಸಿದರಾದರೂ, ಅದು ಫಲ ಕೊಡಲಿಲ್ಲ. ಅಲ್ಲದೆ, ನೂಕುನುಗ್ಗಲು ಉಂಟಾಗಿ ಜನರಿಗೆ ತೊಂದರೆಯಾಗುವುದನ್ನು ತಪ್ಪಿಸಲು ವಿಜಯ್ ಮತ್ತು ಅನನ್ಯಾ ಅಲ್ಲಿಂದ ತೆರಳಬೇಕಾಯಿತು. ಅವರ ಭದ್ರತೆ ಮತ್ತು ಸುರಕ್ಷತೆ ದೃಷ್ಟಿಯಿಂದ ಈ ಕ್ರಮ ಕೈಗೊಳ್ಳಲಾಯಿತು ಎಂದು ಕಾರ್ಯಕ್ರಮ ಆಯೋಜಕರು ತಿಳಿಸಿದ್ದಾರೆ.

ಹೊಸ ವಿನ್ಯಾಸದ ಉಡುಪು ತೊಟ್ಟ ನಟಿ ಅನನ್ಯಾ ಪಾಂಡೆ: ಆನ್‌ಲೈನ್‌ನಲ್ಲಿ ಟ್ರೋಲ್!

ನೆಚ್ಚಿನ ನಟ ಮತ್ತು ನಟಿ ಕಾರ್ಯಕ್ರಮದಿಂದ ಅರ್ಧಕ್ಕೇ ವಾಪಸ್ ಹೋಗಿರುವುದು ಅಭಿಮಾನಿಗಳಿಗೆ ನಿರಾಸೆ ಉಂಟುಮಾಡಿದೆ.

ಸೂಪರ್‌ಮಾರ್ಕೆಟ್‌ನಲ್ಲಿ ಸ್ನೇಕ್ ಡ್ಯಾನ್ಸ್ ಮಾಡಿದ ಜಾಹ್ನವಿ ಕಪೂರ್