ಬಾಲಿವುಡ್ ನಟಿಅನುಷ್ಕಾ ಶರ್ಮ ತಮ್ಮ ಬಾಲ್ಕನಿ ಗೆಳೆಯರೊಂದಿಗೆ ಕಳೆದ ಕ್ಷಣಗಳನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಅರೆ, ಯಾರಿದು ಬಾಲ್ಕನಿ ಗೆಳೆಯರು ಎಂದು ಯೋಚಿಸಬೇಡಿ. ಮನೆಯ ಮಹಡಿ ಹಾಗೂ ಬಾಲ್ಕನಿಯಲ್ಲಿ ಪುಟ್ಟ ತೋಟ ಮಾಡಿರುವ ಅನುಷ್ಕಾ, ಆ ತೋಟದಲ್ಲಿರುವ ಗಿಡಗಳನ್ನು 'ನನ್ನ ಗೆಳೆಯರು' ಎಂದು ಕರೆದಿದ್ದಾರೆ.
ಬಾಲ್ಕನಿಯಲ್ಲಿ ರಬ್ಬರ್, ಮನಿಪ್ಲಾಂಟ್ ಸೇರಿ ಅನೇಕ ಗಿಡಗಳನ್ನು ಬೆಳದಿರುವ ಅನುಷ್ಕಾ ಅವುಗಳ ಆರೈಕೆಯಲ್ಲಿ ತೊಡಗಿದ್ದಾರೆ. ಗಿಡಗಳೊಂದಿಗೆ ಅನುಷ್ಕಾ ಒಡನಾಡುತ್ತಿರುವ ಫೋಟೊವನ್ನು ಪತಿ ವಿರಾಟ್ ಕೊಹ್ಲಿ ಕ್ಲಿಕಿಸಿದ್ದಾರೆ. ಈ ಫೋಟೊವನ್ನು ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿರುವ ಅನುಷ್ಕಾ ’ನಾನು ಮತ್ತು ನನ್ನ ಗೆಳೆಯರು‘ ಎಂದು ಶೀರ್ಷಿಕೆ ಬರೆದಿದ್ದಾರೆ.
ಮುಂಜಾನೆ ವರ್ಕೌಟ್ ನಂತರವೂ ಈ ಗಿಡಗಳೊಂದಿಗೆಸಮಯ ಕಳೆಯುತ್ತಿದ್ದಾರೆಅನುಷ್ಕಾ. ಅಪ್ಪನೊಡನೆ ಸೇರಿ ಈ ಕೈ ತೋಟ ಮಾಡಿದ್ದಾರೆ.
ಲಾಕ್ಡೌನ್ ಸಮಯವಾದ್ದರಿಂದ ಸದ್ಯ ಯಾವುದೇ ಸಿನಿಮಾ ಕೈಗೆತ್ತಿಕೊಂಡಿಲ್ಲ. ಇವರ ನಿರ್ಮಾಣ ಸಂಸ್ಥೆಯ ಕೆಲಸಗಳು ನಡೆಯುತ್ತಿವೆ ಅಷ್ಟೆ.ಅಮೆಜಾನ್ ಪ್ರೈಂನಲ್ಲಿರುವ ’ಪಾತಾಳ್ ಲೋಕ್‘ ಸರಣಿ ಯಶಸ್ಸು ಕಂಡಿದೆ.
ಈ ಕುರಿತು ಸಂದರ್ಶವೊಂದರಲ್ಲಿ ಮಾತನಾಡಿದ ಅವರು ’ನನಗಾಗಿ ಸಿನಿಮಾ ಮಾಡಲುಈ ನಿರ್ಮಾಣ ಸಂಸ್ಥೆ ಮಾಡಿಲ್ಲ. ಸದಭಿರುಚಿಯ ಸಿನಿಮಾ ಮಾಡಬೇಕು ಎಂಬ ಆಲೋಚನೆಯಿದೆ. ಮಹಿಳಾ ಕೇಂದ್ರೀತ ಕತೆಗಳ ಸಿನಿಮಾ ನಿರ್ಮಾಣ ಮಾಡುವ ಕನಸಿದೆ‘ ಎಂದು ಹೇಳಿಕೊಂಡಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.