ಚಿತ್ರ ಪ್ರಮೋಷನ್‌ಗೆ ಆಯುಷ್ಮಾನ್‌ ಹೊಸ ಐಡಿಯಾ
Published 19 ಜೂನ್ 2019, 19:45 IST
ಆಯುಷ್ಮಾನ್‌ ಖುರಾನಾ
ಬಾಲಿವುಡ್‌ ನಟ ಆಯುಷ್ಮಾನ್‌ ಖುರಾನಾ ತಮ್ಮ ಮುಂದಿನ ಸಿನಿಮಾ ‘ಆರ್ಟಿಕಲ್‌ 15‘ ಪ್ರಮೋಷನ್‌ಗೆ ಹೊಸ ವಿಧಾನ ಬಳಸುವ ಮೂಲಕ ಗಮನಸೆಳೆದಿದ್ದಾರೆ.
ಭಾರತ ಹಾಗೂ ಪಾಕಿಸ್ತಾನ ನಡುವಿನ ವಿಶ್ವಕಪ್‌ ಪಂದ್ಯವನ್ನು ನೋಡುವುದರಲ್ಲಿ ಮುಳುಗಿದ್ದ ಅಭಿಮಾನಿಗಳಿಗೆ ಟ್ವಿಟರ್‌ ಮೂಲಕ ಒಂದು ಸಂದೇಶ ರವಾನಿಸಿದ್ದಾರೆ. ಅದರ ಜೊತೆಜೊತೆಗೆ ತಮ್ಮ ಸಿನಿಮಾದ 30 ಸೆಕೆಂಡುಗಳ ಪ್ರೋಮೊ ವಿಡಿಯೋವೊಂದನ್ನು ಹಾಕಿದ್ದಾರೆ.
‘ಭಾರತ ಪಾಕಿಸ್ತಾನ ಪಂದ್ಯದ ದಿನ ನಾವೆಲ್ಲರೂ ಭಾರತೀಯರು ಆಗಿರುತ್ತೇವೆ. ಎಲ್ಲಾ ವಿಧದಲ್ಲೂ ಭಾರತೀಯ! ಹಾಗಿದ್ದರೆ ನಾವು ಯಾಕೆ ಭಿನ್ನಾಭಿಪ್ರಾಯ ಮರೆತು, ಪ್ರತಿ ದಿನ ಭಾರತೀಯನಾಗಿಯೇ ಇರಬಾರದು?‘ ಎಂದು ಪ್ರಶ್ನಿಸಿದ್ದಾರೆ. ಹ್ಯಾಷ್‌ಟ್ಯಾಗ್‌ನಲ್ಲಿ ‘ಯುನೈಟೆಡ್‌ಬೈಆರ್ಟಿಕಲ್‌15’ ಎಂಬ ಒಕ್ಕಣೆ ಸೇರಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.