ಮಾರ್ಚ್‌ 10ರಂದು ತೆರೆ ಮೇಲೆ ‘ಚೌಕಾಬಾರ’

ಮಣಿರಾವ್‌ ಅವರ ಕಾದಂಬರಿ ಆಧರಿತ ಚಿತ್ರ ‘ಚೌಕಾಬಾರ’. ಮಾರ್ಚ್‌ 10ರಂದು ತೆರೆ ಕಾಣಲು ಸಜ್ಜಾಗಿದೆ. ರಾಜ್ಯದಾದ್ಯಂತ ಐವತ್ತಕ್ಕೂ ಹೆಚ್ಚು ಮಲ್ಟಿಪ್ಲೆಕ್ಸ್‌ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ರಂಗಭೂಮಿ, ಕಿರುತೆರೆ ಹಾಗೂ ಹಿರಿತೆರೆಗಳಲ್ಲಿ ಸಕ್ರಿಯರಾಗಿರುವ ನಮಿತಾರಾವ್ ಹಾಗೂ ವಿಕ್ರಮ್ ಸೂರಿ ದಂಪತಿಯ ಕನಸೇ ಈ ಚಿತ್ರ. ನಮಿತಾರಾವ್‌ ಈ ಚಿತ್ರದ ನಾಯಕಿ. ವಿಹಾನ್ ಪ್ರಭಂಜನ್ ನಾಯಕ. ಕಾವ್ಯ ರಮೇಶ್, ಸುಜಯ್ ಹೆಗಡೆ, ಸಂಜಯ್ ಸೂರಿ, ಪ್ರಥಮ ಪ್ರಸಾದ್‌ ತಾರಾಗಣದಲ್ಲಿದ್ದಾರೆ.

ಮಾರ್ಚ್ 24, 25 ಹಾಗೂ 26 ಅಮೇರಿಕದ ಐದು ರಾಜ್ಯಗಳಲ್ಲಿ ಈ ಚಿತ್ರ ತೆರೆ ಕಾಣಲಿದೆ. ರೂಪಾ ಪ್ರಭಾಕರ್ ಸಂಭಾಷಣೆ ಬರೆದಿದ್ದಾರೆ. ಅಶ್ವಿನ್ ಪಿ. ಕುಮಾರ್ ಸಂಗೀತ ಸಂಯೋಜನೆ, ರವಿರಾಜ್ ಛಾಯಾಗ್ರಹಣ ಶಶಿಧರ್ ಸಂಕಲನ ಹಾಗೂ ಮದನ್- ಹರಿಣಿ, ಸಚಿನ್ ಅವರ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ.