‘ನಮ್ಮ ಗಣಿ ಬಿ.ಕಾಂ ಪಾಸ್’ ಆಗಸ್ಟ್‌ನಲ್ಲಿ

ಉಪೇಂದ್ರ ಅಭನಯದ ‘2nd ಹಾಫ್’ ಚಿತ್ರ ನಿರ್ಮಿಸಿದ್ದ ನಾಗೇಶ್ ಕುಮಾರ್ ಅವರು ಈಗ ಇನ್ನೊಂದು ಚಿತ್ರವನ್ನು ವೀಕ್ಷಕರ ಎದುರು ಇರಿಸಲು ಸಜ್ಜಾಗಿದ್ದಾರೆ. ಅವರ ನಿರ್ಮಾಣದ ಹೊಸ ಚಿತ್ರದ ಹೆಸರು ‘ನಮ್ಮ ಗಣಿ ಬಿ.ಕಾಂ ಪಾಸ್’. ಈ ಚಿತ್ರದ ರೀರೆಕಾರ್ಡಿಂಗ್ (ಮಾತಿನ ಮರುಲೇಪ) ಕೆಲಸ ಬೆಂಗಳೂರಿನ ವಿಜಯ ಸ್ಟುಡಿಯೋನಲ್ಲಿ ಪೂರ್ಣಗೊಂಡಿದೆ.

ಈ ಸಿನಿಮಾ ಆಗಸ್ಟ್‌ನಲ್ಲಿ ತೆರೆಗೆ ಬರಲಿದೆ ಎಂದು ನಾಗೇಶ್ ಹೇಳಿದ್ದಾರೆ. ನಾಗರಾಜ್ (ಸಾಮ್ರಾಟ್) ಛಾಯಾಗ್ರಹಣ, ವಿಕಾಸ್‍ ವಸಿಷ್ಠ ಸಾಹಿತ್ಯ ಹಾಗೂ ಸಂಗೀತ ಚಿತ್ರಕ್ಕಿದೆ. ಅಂದಹಾಗೆ, ಚಿತ್ರದ ಕಥೆ, ಚಿತ್ರಕಥೆ, ಸಂಭಾಷಣೆ ಹಾಗೂ ನಿರ್ದೇಶನದ ಹೊಣೆ ಹೊತ್ತಿರುವ ಅಭಿಷೇಕ್ ಶೆಟ್ಟಿ ನಾಯಕ ನಟನಾಗಿಯೂ ಕಾಣಿಸಿಕೊಳ್ಳುತ್ತಿದ್ದಾರೆ.

ಐಶಾನಿ ಶೆಟ್ಟಿ, ಪಲ್ಲವಿ ಗೌಡ, ಸುಚೇಂದ್ರ ಪ್ರಸಾದ್, ಜಹಂಗೀರ್, ಸುಧಾ ಬೆಳವಾಡಿ, ಮಂಜುನಾಥ ಹೆಗಡೆ, ಶಂಕರ್ ಅಶ್ವತ್ಥ್, ದಿನೇಶ್ ಮಂಗಳೂರು, ಆಶಾರಾಣಿ, ರಘು ಪಣೀಶ್ವರ್ ಚಿತ್ರದ ತಾರಾಬಳಗದಲ್ಲಿ ಇದ್ದಾರೆ.