‘ಅವನಿರಬೇಕಿತ್ತು’ ತಂಡಕ್ಕೆ ಶ್ರೀಮುರಳಿ ಸಾಥ್‌

ವಿಭಿನ್ನ ಶೀರ್ಷಿಕೆಯಿಂದ ಗಮನ ಸೆಳೆದಿರುವ ‘ಅವನಿರಬೇಕಿತ್ತು’ ಚಿತ್ರದ ಹಾಡು ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿದೆ. ‘ಅಂದಕಾಲತ್ತಿಲ್ಲೆ’ ಎಂಬ ರೆಟ್ರೋ ಶೈಲಿಯ ಹಾಡನ್ನು ನಟ ಶ್ರೀಮುರಳಿ ಬಿಡುಗಡೆಗೊಳಿಸಿ ತಂಡಕ್ಕೆ ಶುಭ ಹಾರೈಸಿದರು. 

‘ಹಾಡಿನ ಸಾಹಿತ್ಯ ಹೊಸತಾಗಿದೆ. ಟ್ರೆಂಡ್ ಸೆಟ್ ಮಾಡುವ ಹಾಡಿದು. ಹೊಸಬರ ಈ ಯತ್ನಕ್ಕೆ ಒಳಿತಾಗಲಿ’ ಎಂದರು ಶ್ರೀಮುರಳಿ. ಅಶೋಕ್‌ ಸಾಮ್ರಾಟ್ ನಿರ್ದೇಶನದ ಚಿತ್ರಕ್ಕೆ ನೋವಿಕಾ ಸಿನಿ ಕ್ರೀಯೆಶನ್‌ ಅಡಿಯಲ್ಲಿ ಮುರಳಿ ಬಿ.ಟಿ. ಬಂಡವಾಳ ಹೂಡಿದ್ದಾರೆ. 

ಈ ಹಾಡಿಗೆ ವಿಜಯ ಪ್ರಕಾಶ್ ಧ್ವನಿಯಾಗಿದ್ದು, ಲೋಕಿ ತವಸ್ಯ ಸಂಗೀತವಿದೆ. ದೇವರಾಜ್ ಪೂಜಾರಿ , ಪೃಥ್ವಿ ಮಾಲೂರ್ ಛಾಯಾಚಿತ್ರಗ್ರಹಣವಿದೆ. ಸೌಮ್ಯ ಜಾನ್‌,ಜೈ ಸಿಂಹ, ಪ್ರಶಾಂತ್ ಸಿದ್ದಿ, ಕಿರಣ್ ನಾಯ್ಕ್ ಮುಂತಾದವರು ಚಿತ್ರದಲ್ಲಿದ್ದಾರೆ.