ಹಸೆಮಣೆ ಏರಿದ ಸಾಹೋ ನಿರ್ದೇಶಕ ಸುಜಿತ್‌

‘ಸಾಹೋ’ ಖ್ಯಾತಿಯ ನಿರ್ದೇಶಕ ಸುಜಿತ್ ತಮ್ಮ ಬಹುಕಾಲದ ಪ್ರೇಯಸಿ ಪ್ರವಲ್ಲಿಕ ಜೊತೆ ಭಾನುವಾರ (ಆಗಸ್ಟ್‌ 2) ರಾತ್ರಿ ಹಸೆಮಣೆ ಏರಿದ್ದಾರೆ. ಹೈದರಾಬಾದ್‌ನ ರೆಸಾರ್ಟ್‌ವೊಂದರಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಕುಟುಂಬಸ್ಥರು ಹಾಗೂ ಆತ್ಮೀಯ ಸ್ನೇಹಿತರು ಭಾಗಿಯಾಗಿದ್ದರು.

ಈ ಜೋಡಿ ಕಳೆದ ತಿಂಗಳು ಎಂಗೇಜ್‌ಮೆಂಟ್ ಮಾಡಿಕೊಂಡಿದ್ದರು. ದಂತವೈದ್ಯೆಯಾಗಿರುವ ಪ್ರವಲ್ಲಿಕ ಹಾಗೂ ಸುಜಿತ್ ಅನೇಕ ವರ್ಷಗಳಿಂದ ಪ್ರೀತಿಸುತ್ತಿದ್ದರು.

ಈ ನಿರ್ದೇಶಕ ತಮ್ಮ ಮದುವೆ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಎಲ್ಲಿಯೂ ಹೇಳಿಕೊಂಡಿಲ್ಲ. ಆದರೆ ಗಿಬ್ರಾನ್ ಸೇರಿದಂತೆ ಅನೇಕ ಮಂದಿ ಸೆಲೆಬ್ರಿಟಿಗಳು ಸಾಮಾಜಿಕ ಜಾಲಗಳಲ್ಲಿ ಇವರ ಮದುವೆಯ ಫೋಟೊ ಹಂಚಿಕೊಂಡು ಶುಭಾಶಯ ತಿಳಿಸಿದ್ದಾರೆ.