ಚಂದನವನದಲ್ಲಿ ರಾವೆನ್ ಕಾಗೆಯ ಸದ್ದು !

ಏಕಾಂಗಿಯಾಗಿ ಕುಳಿತಿರುವ ಕಾಗೆಯೊಂದು ಕೆಕ್ಕರಿಸಿ ನೋಡುವ ಚಿತ್ರಣವಿರುವ ರಾವೆನ್ ಸಿನಿಮಾದ ಪೋಸ್ಟರ್ ಸಾಮಾಜಿಕ ಮಾಧ್ಯಮಗಳಲ್ಲಿ ಸದ್ದು ಮಾಡುತ್ತಿದೆ.

ಈ ಚಿತ್ರದಲ್ಲಿ ಕಾಗೆಯೇ ನಾಯಕ ನಟ ಎನ್ನುವುದು ವಿಶೇಷ. ಈ ಹಿಂದೆ  ರಕ್ಷಿತ್ ಶೆಟ್ಟಿ ಅಭಿನಯದ ‘ಚಾರ್ಲಿ‘ಯಲ್ಲಿ ನಾಯಿ, ರಾಜ್ ಶೆಟ್ಟಿ ಅವರ ‘ಟೋಬಿ‘ಯಲ್ಲಿ ಮೂಗುತಿ ಹಾಕಿರುವ ಟಗರಿನ ಪೋಸ್ಟರ್‌ ವೈರಲ್ ಆಗಿದ್ದವು. ಇದೀಗ ಈ ಸಾಲಿಗೆ ರಾವೆನ್ ಸೆರ್ಪಡೆಯಾಗಿದೆ.

ಪೂರ್ಣ ಕಥೆ ಕಾಗೆಯ ಮೇಲೆ ಹೆಣೆಯಲಾಗಿದೆ ಎನ್ನುವುದು ಚಿತ್ರತಂಡದ ಮಾಹಿತಿ. ವೇದ್ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಪ್ರಬಿಕ್ ಮೊಗವೀರ್ ಈ ಚಿತ್ರದ ನಿರ್ಮಾಪಕರಾಗಿದ್ದಾರೆ. ಸದ್ಯದಲ್ಲಿ ಚಿತ್ರೀಕರಣ ಆರಂಭವಾಗಲಿದೆ ಎಂದು ಪ್ರಬಿಕ್ ಮೊಗವೀರ್ ಹೇಳಿದ್ದಾರೆ.