2001ರಲ್ಲಿ ‘ದಿಲ್ ಚಾಹತಾ ಹೈ’ ಬಿಡುಗಡೆಯಾದಾಗ ಇಂತದ್ದೊಂದು ಸಿನಿಮಾ ಮತ್ತೆ ಬರಬೇಕು ಎಂಬ ಅಭಿಮಾನಿಗಳ ಕನಸು ನನಸಾಗಿದ್ದು 2011ರಲ್ಲಿ.
‘ದಿಲ್ ಚಾಹತಾ ಹೈ’ ಹಿಟ್ ಆದ 10 ವರ್ಷಗಳ ಬಳಿಕ ‘ಜಿಂದಗಿ ನಾ ಮಿಲೇಗಿ ದುಬಾರ’ ಬಾಲಿವುಡ್ನ ಸ್ಮರಣೀಯ ಸಿನಿಮಾಗಳಲ್ಲಿ ಒಂದಾಯಿತು. ಈ ಚಿತ್ರ ಬಿಡುಗಡೆಯಾಗಿ ಎಂಟು ವರ್ಷಗಳಾಗಿವೆ. ಈ ಖುಷಿಯನ್ನು ಚಿತ್ರತಂಡ ಟ್ವಿಟರ್ ಹಾಗೂ ಇನ್ಸ್ಟಾಗ್ರಾಂಗಳಲ್ಲಿ ಹಂಚಿಕೊಂಡಿದೆ.
ಹೃತಿಕ್ ರೋಷನ್, ಫರ್ಹಾನ್ ಅಖ್ತರ್, ಅಭಯ್ ಡಿಯೋಲ್, ಕತ್ರಿನಾ ಕೈಫ್, ಕಲ್ಕಿ ನಟನೆ ಈ ಸಿನಿಮಾಕ್ಕಿದೆ. ಯುವಕರ ತಂಡವೊಂದು ಪ್ರವಾಸ ಹೋಗುವಾಗಿನ ಅನುಭವವನ್ನು ಚಿತ್ರಿಸಲಾಗಿದೆ. ಈ ಸಿನಿಮಾದಲ್ಲಿರುವ ಸಂದೇಶ ಸಾಕಷ್ಟು ಜನರಿಗೆ ಸ್ಪೂರ್ತಿಯಾಗಿದೆ ಎಂದು ತಂಡ ಹೇಳಿಕೊಂಡಿದೆ. ಜೀವನದಲ್ಲಿ ಎಲ್ಲರೂ ಒಂದಲ್ಲ ಒಂದು ವಿಷಯಕ್ಕೆ ಭಯ ಪಡುತ್ತಾರೆ. ಆದರೆ ಸಿಕ್ಕ ಒಂದು ಜೀವನವನ್ನು ಸದುಪಯೋಗ ಪಡಿಸಿಕೊಳ್ಳಬೇಕು. ಮತ್ತೊಮ್ಮೆ ಈ ಜೀವನ ಸಿಗಲು ಸಾಧ್ಯವಿಲ್ಲ ಎಂಬ ಸಂದೇಶವನ್ನು ಸಿನಿಮಾ ಒಳಗೊಂಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.