ನವದೆಹಲಿ: ಕೇರಳ ಹಾಗೂ ತಮಿಳುನಾಡಿನಲ್ಲಿ ಅಪರೂಪ ಎನಿಸಿರುವ ಎರಡು ಹೊಸ ಪ್ರಬೇಧದ ಇರುವೆಗಳನ್ನು ವಿಜ್ಞಾನಿಗಳ ತಂಡ ಪತ್ತೆಹಚ್ಚಿದೆ ಎಂದು ವಿಜ್ಞಾನ ಹಾಗೂ ತಂತ್ರಜ್ಞಾನ ವಿಭಾಗವು (ಡಿಎಸ್ಟಿ) ಶನಿವಾರ ಹೇಳಿದೆ.
ಪಟಿಯಾಲದ ಪಂಜಾಬಿ ವಿಶ್ವವಿದ್ಯಾಲಯದ ಹಿಮಂದರ್ ಭಾರ್ತಿ ನೇತೃತ್ವದ ತಂಡವು ಅಪರೂಪದ ಈ ಇರುವೆಗಳನ್ನು ಪತ್ತೆಹಚ್ಚಿದ್ದಾರೆ.
ಒಂದು ಪ್ರಬೇಧದ ಇರುವೆಯು ಕೇರಳದ ಪೆರಿಯಾರ್ ಹುಲಿ ರಕ್ಷಿತಾರಣ್ಯದಲ್ಲಿ ಪತ್ತೆಯಾಯಿತು. ಜವಾಹರ್ಲಾಲ್ ನೆಹರೂ ಸೆಂಟರ್ ಫಾರ್ ಅಡ್ವಾನ್ಸ್ಡ್ ಸೈಂಟಿಫಿಕ್ ರಿಸರ್ಚ್ನ ಹೆಸರಾಂತ ಜೀವಶಾಸ್ತ್ರಜ್ಞ ಪ್ರೊ. ಅಮಿತಾಭ್ ಜೋಷಿ ಅವರ ಗೌರವಾರ್ಥವಾಗಿ ಒಂದು ಹೊಸ ಪ್ರಬೇಧದ ಇರುವೆಗೆ ಓಸೆರಿಯಾ ಜೋಷಿ ಎಂದು ಹೆಸರಿಡಲಾಗಿದೆ ಎಂದು ಡಿಎಸ್ಟಿ ಹೇಳಿದೆ.
ಈ ಎರಡು ಇರುವೆಗಳನ್ನು ಜೀವವೈವಿಧ್ಯತೆಯ ಅಪರೂಪದ ಪ್ರಬೇಧಗಳು ಎಂದು ಗುರುತಿಸಲಾಗಿದೆ. ಇರುವೆಯ ತಲೆಯ ಮೇಲಿನ ಫೀಲರ್ ಮೂಲಕ ಅವುಗಳ ವ್ಯತ್ಯಾಸಗಳನ್ನು ಗುರುತಿಸಲಾಗುತ್ತದೆ ಎಂದು ಡಿಎಸ್ಟಿ ಮಾಹಿತಿ ನೀಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.