VIDEO: ಒಂದು ರೂಪಾಯಿ ಕ್ಲಿನಿಕ್ : ಬಡವರ ಸೇವೆಗೆ ದಿನಕ್ಕೊಂದು ಗಂಟೆ ಮೀಸಲು

ಭುವನೇಶ್ವರ್: ದುಬಾರಿ ವೆಚ್ಚ ಎಂಬ ಕಾರಣಕ್ಕೆ ಖಾಸಗಿ ಆಸ್ಪತ್ರೆಗಳ ಬಗ್ಗೆ ಇತ್ತೀಚಿನ ದಿನಗಳಲ್ಲಿ ಜನ ಮೂಗು ಮುರಿಯುವುದನ್ನು ನೋಡಿರುತ್ತೀರಿ. ಕಡು ಬಡವರಿಗೆ ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಬಲು ಕಷ್ಟ. ಹಾಗಾಗಿ, ಒಡಿಶಾದ ವೈದ್ಯ ಶಂಕರ್ ಎಂಬುವವರು ಬುರ್ಲಾ ಎಂಬಲ್ಲಿ ಒಂದು ರೂಪಾಯಿ ಕ್ಲಿನಿಕ್ ಆರಂಭಿಸಿದ್ದಾರೆ. ಇಲ್ಲಿಗೆ ಬರುವ ಜನರಿಂದ ಕೇವಲ ಒಂದು ರೂಪಾಯಿ ಫೀ ಪಡೆದು ತಮ್ಮ ಕೈಲಾದ ಚಿಕಿತ್ಸೆ ಕೊಡುತ್ತಿದ್ದಾರೆ. ವೀರ್ ಸುರೇಂದ್ರ ವೈದ್ಯಕೀಯ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿರುವ ಶಂಕರ್ ಪ್ರತಿ ದಿನ ಸಂಜೆ 6 ರಿಂದ 7 ಗಂಟೆವರೆಗೆ ಬಡವರ ಸೇವೆಯಲ್ಲಿ ತೊಡಗುತ್ತಾರೆ.