ಇತ್ತೀಚೆಗಷ್ಟೇ 75ರ ಹರೆಯಕ್ಕೆ ಕಾಲಿಟ್ಟಿರುವ ‘ಬಿಗ್ ಬಿ’ ಅಮಿತಾಭ್ ಬಚ್ಚನ್ ಅವರಿಗೆ ಖ್ಯಾತ ನೃತಪಟು ಪ್ರಭುದೇವ ನೃತ್ಯ ಕಲಿಸಿಕೊಡಲಿದ್ದಾರಂತೆ. ಸಿನಿಮಾವೊಂದರ ಹಾಡಿಗಾಗಿ ಅಮಿತಾಭ್ಗೆ ಪ್ರಭುದೇವ ನೃತ್ಯ ನಿರ್ದೇಶನ ಮಾಡುತ್ತಿದ್ದು, ಈ ಬಗ್ಗೆ ಸ್ವತಃ ಅಮಿತಾಭ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಭಾನುವಾರ ಬರೆದುಕೊಂಡಿದ್ದಾರೆ.
‘75ರ ವಯಸ್ಸಿನಲ್ಲಿ ಪ್ರತಿಭಾವಂತ ನೃತ್ಯ ನಿರ್ದೇಶಕ ಪ್ರಭುದೇವ ನನಗೆ ನೃತ್ಯ ಹೇಳಿಕೊಡುತ್ತಿದ್ದಾರೆ’ ಎಂದು ಅಮಿತಾಭ್ ಖುಷಿಯಿಂದ ಬರೆದು ಕೊಂಡಿದ್ದಾರೆ. ಯಾವ ಸಿನಿಮಾಕ್ಕಾಗಿ ಈ ನೃತ್ಯ ಎಂಬ ಗುಟ್ಟನ್ನು ಅವರು ಬಿಟ್ಟುಕೊಟ್ಟಿಲ್ಲ.
ಪ್ರಸ್ತುತ ಕಿರುತೆರೆಯಲ್ಲಿ ‘ಕೌನ್ ಬನೇಗಾ ಕರೋಡ್ಪತಿ’ ರಿಯಾಲಿಟಿ ಷೋನಲ್ಲಿ ಬ್ಯುಸಿಯಾಗಿರುವ ಅಮಿತಾಭ್ ಕೈಯಲ್ಲಿ ‘102 ನಾಟ್ ಔಟ್’ ಎನ್ನುವ ಚಿತ್ರವಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.