ಇಂದು, ನಾಳೆ ಮಹಿಳೆಯರಿಗೆ ಉಚಿತ ಫೇಷಿಯಲ್

ನಗರದ ಸೌಂದರ್ಯ ತಜ್ಞೆ ದೀಪಾ ನಾಗೇಶ್‌ ಅವರು ಗಾಂಧಿ ಬಜಾರ್‌ನಲ್ಲಿರುವ ತಮ್ಮ ‘ದಿಶಾ ಬ್ಯೂಟಿ ಸ್ಪಾಟ್’ ಪಾರ್ಲರ್‌ನಲ್ಲಿ ಅಂತರರಾಷ್ಟ್ರೀಯ ಮಹಿಳಾ ದಿನದ ಹಿನ್ನೆಲೆಯಲ್ಲಿ ಮಹಿಳೆಯರಿಗೆ ಉಚಿತ ಫೇಷಿಯಲ್‌ ಮಾಡಲಿದ್ದಾರೆ.

‘ಅಧ್ಯಾತ್ಮ ಮತ್ತು ಸೌಂದರ್ಯ ಚಿಕಿತ್ಸೆಯನ್ನು ಒಳಗೊಂಡ ಈ ಫೇಷಿಯಲ್‌ನ್ನು ‘ಡಿವೈನ್‌ ಫೇಷಿಯಲ್’ ಎಂದು ಕರೆಯಲಾಗುವುದು. ಮಾ.7 ಮತ್ತು 8ರಂದು ಅಂದಾಜು 100 ಮಂದಿಗೆ ನಮ್ಮ ತಂಡ ಉಚಿತವಾಗಿ ಫೇಷಿಯಲ್ ಮಾಡಲಿದೆ.

ಇದೇ ವೇಳೆ ಚರ್ಮ ಹಾಗೂ ಕೇಶ ಸಂರಕ್ಷಣೆ ಕುರಿತು ಉಚಿತ ಮಾಹಿತಿ, ಅನಾಥಾಶ್ರಮದ ಮಕ್ಕಳಿಂದ ಫ್ಯಾಷನ್‌ ಷೋ ಹಾಗೂ ಸ್ವ ಉದ್ಯೋಗಾಸಕ್ತ ಮಹಿಳೆಯರಿಗೆ ಮಾ.7ರಿಂದ 15 ದಿನಗಳ ಉಚಿತ ತರಬೇತಿಯನ್ನೂ ನೀಡಲಾಗುವುದು’ ಎಂದು ಅವರು ತಿಳಿಸಿದ್ದಾರೆ.
ಹೆಚ್ಚಿನ ವಿವರಕ್ಕೆ ಸಂಪರ್ಕಿಸಿ: 74119 96915.