ಪುಟಾಣಿ ಕೈಗಳ ಸಸ್ಯಾಂದೋಲನ
ಪುಟ್ಟ, ಪುಟ್ಟ ಕೈಯಲ್ಲಿ ಪುಟ್ಟ ಸಸಿಗಳು. ಅದನ್ನು ನೆಟ್ಟು ನೀರುಣಿಸಿ ಅದಕ್ಕೆಲ್ಲ ತಮ್ಮ ಹೆಸರು ಇಟ್ಟು ಸಂಭ್ರಮಿಸುತ್ತಿದ್ದ ಪುಟಾಣಿಗಳು.
ಇದು ಕಂಡು ಬಂದಿದ್ದು ಬೆಂಗಳೂರಿನ ಪ್ರತಿಷ್ಠಿತ ಡೇ ಕೇರ್ ಮತ್ತು ಪೂರ್ವ ಪ್ರಾಥಮಿಕ ಶಾಲೆ ಕಾರಾ 4 ಕಿಡ್ಸ್ ಮಕ್ಕಳಲ್ಲಿ ಪರಿಸರ ಅರಿವು ಮೂಡಿಸಲು ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ.
ಆರು ತಿಂಗಳಿನಿಂದ ಆರು ವರ್ಷದ ಮಕ್ಕಳು ಈ ಹಸಿರು ಆಂದೋಲನದಲ್ಲಿ ಭಾಗಿಗಳಾದರು. ಪ್ರತಿ ಮಗು ಕೂಡ 2 ಸಸಿ ನೆಡುವುದರೊಂದಿಗೆ ನಾಮಕರಣ ಮಾಡಿದ್ದು ವಿಶೇಷ ಎನ್ನಿಸಿತು.
ಇಂದಿರಾ ನಗರ, ಎಚ್‌ಎಸ್‌ಆರ್ ಬಡಾವಣೆ ಮತ್ತು ನಂದಿ ದುರ್ಗದ ರಸ್ತೆಯ ಸುತ್ತಲ ಪರಿಸರವನ್ನು ಹಸಿರಾಗಿಸುವ ಗುರಿಯನ್ನು ಈ ಯೋಜನೆ ಹೊಂದಿದೆ.
ಈ ಬಗ್ಗೆ ಮಾತನಾಡಿದ ಕಾರಾ 4 ಕಿಡ್ಸ್ ಅಧ್ಯಕ್ಷ ರುಸ್ತುಮ್‌ಜಿ ಅವರು `ಸಸಿಗಳಿಗೆ ಮಕ್ಕಳ ಹೆಸರು ಮತ್ತು ಮಾಲೀಕತ್ವ ನೀಡುವ ಹಸಿರು ಆಂದೋಲನದ ಮೂಲಕ ಅವರಿಗೆ ಪರಿಸರದ ಮೌಲ್ಯ ತಿಳಿಸಲು ಇದೊಂದು ಉತ್ತಮ ವೇದಿಕೆ~ ಎಂದರು. ಈ ಆಂದೋಲನದ ಭಾಗವಾಗಿ 150ಕ್ಕೂ ಹೆಚ್ಚು ಮಕ್ಕಳು ತಲಾ ಎರಡು ಸಸಿ ದತ್ತು ಪಡೆದರು. ಅದನ್ನು ಪೋಷಿಸುವ ಹೊಣೆ ಹೊತ್ತುಕೊಂಡರು. ನಿತ್ಯ ಅದನ್ನು ಗಮನಿಸುವ, ಸ್ಪರ್ಶಿಸಿಸುವ, ಹೂ ಬಿಟ್ಟಾಗಿ ಮೂಸಿ ಪರಿಮಳದ ಖುಷಿ ಪಡುವ, ನೀರುಣಿಸುವ ಪ್ರತಿಜ್ಞೆ ಮಾಡಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.