ಬಾಲಿವುಡ್ನಲ್ಲಿ ಸ್ಟಾರ್ ನಟ, ನಟಿಯರ ಮಕ್ಕಳು ಒಬ್ಬೊಬ್ಬರಂತೆ ಸಿನಿಮಾ ಕ್ಷೇತ್ರಕ್ಕೆ ಕಾಲಿಡುತ್ತಿದ್ದಾರೆ. ಇತ್ತೀಚೆಗೆ ಸೈಫ್ ಆಲಿ ಖಾನ್ ಮಗಳು ಸಾರಾ ಆಲಿ ಖಾನ್ ‘ಕೇದಾರ್ನಾಥ್’ ಚಿತ್ರದ ಮೂಲಕ ಬಾಲಿವುಡ್ಗೆ ಅಂಗಳಕ್ಕೆ ಬಂದಿದ್ದರೆ, ನಟಿ ಶ್ರೀದೇವಿ ಮಗಳು ಜಾಹ್ನವಿ ಕಪೂರ್ ಸದ್ಯದಲ್ಲೇ ಸಿನಿಮಾವೊಂದರಲ್ಲಿ ನಟಿಸಲಿದ್ದಾರೆ ಎಂಬ ಮಾತು ಕೇಳಿಬರುತ್ತಿದೆ.
ಇವರ ಸಾಲಿಗೆ ಈಗ ಸಂಜಯ್ದತ್ ಮಗಳು ತ್ರಿಶಾಲಾ ದತ್ ಸೇರುತ್ತಾರೆಯೇ ಎಂಬ ಕುತೂಹಲ ಬಾಲಿವುಡ್ನಲ್ಲಿ ಮೂಡಿದೆ. ತ್ರಿಶಾಲಾ ದತ್ ಅವರು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಳ್ಳುತ್ತಿರುವ ಫೋಟೊಗಳನ್ನು ನೋಡಿದರೆ ಅವರು ಬಾಲಿವುಡ್ಗೆ ಪ್ರವೇಶಿಸುವ ದಿನಗಳು ದೂರವಿಲ್ಲ ಎಂಬ ಅಭಿಪ್ರಾಯಗಳು ಕೇಳಿಬರುತ್ತಿವೆ.
ಸದ್ಯ ನ್ಯೂಯಾರ್ಕ್ನಲ್ಲಿ ಮನಶಾಸ್ತ್ರ ಓದುತ್ತಿರುವ ತ್ರಿಶಾಲಾ ಅವರು ಅಂದಗಾತಿ. ಫಿಟ್ನೆಸ್ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳುವ ಇವರು, ಜಿಮ್ನಲ್ಲಿ ಹೆಚ್ಚು ಕಾಲ ಕಳೆಯುತ್ತಾರಂತೆ.
ಇತ್ತೀಚೆಗೆ ತಮ್ಮ ಚಿತ್ರ ‘ ಭೂಮಿ’ಯನ್ನು ಮಗಳಿಗಾಗಿ ಅರ್ಪಿಸಿದ್ದರು ಸಂಜಯ್ ದತ್. ಈ ಚಿತ್ರದ ಪೋಸ್ಟರ್ ಅನ್ನು ತ್ರಿಶಾಲಾ ಹಂಚಿಕೊಂಡಿದ್ದರು. ಇದೇ ಸಿನಿಮಾದ ಪ್ರಚಾರ ಕಾರ್ಯಕ್ರಮದಲ್ಲಿ ಸಂಜಯ್ ‘ತಮ್ಮ ಮಗಳು ಸಿನಿಮಾ ಕ್ಷೇತ್ರಕ್ಕೆ ಬರುವುದು ತನಗೆ ಇಷ್ಟವಿಲ್ಲ. ಸಿನಿಮಾ ಕ್ಷೇತ್ರ ಸುರಕ್ಷಿತ ಕೆಲಸವಲ್ಲ, ಆಕೆಗೆ ಮನಶಾಸ್ತ್ರದಲ್ಲೇ ಉತ್ತಮ ಭವಿಷ್ಯವಿದೆ’ ಎಂದು ಹೇಳಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.