ರಸ್ತೆ ಸುರಕ್ಷೆಗೆ ಮಕ್ಕಳ ಬಣ್ಣ

ಈ ಭಾನುವಾರ ಬೆಳ್ಳಂಬೆಳಗ್ಗೆ ಕಬ್ಬನ್ ಪಾರ್ಕ್‌ನ ಬಣ್ಣವೇ ಬದಲಾಗಿತ್ತು. ಅಲ್ಲಿ ಬಣ್ಣ ತುಂಬಿದವರು ನಗರದ ಮಕ್ಕಳು. ಬೆಂಗಳೂರು ನಗರ ಸಂಚಾರ ಪೊಲೀಸ್ ಇಲಾಖೆಯು  ರಸ್ತೆ ಸುರಕ್ಷೆ ಕುರಿತಂತೆ ಮಕ್ಕಳಿಗಾಗಿ ಚಿತ್ರಕಲೆ ಸ್ಪರ್ಧೆಯನ್ನು ಆಯೋಜಿಸಿತ್ತು. ಸಾವಿರಕ್ಕೂ ಅಧಿಕ ಮಕ್ಕಳು ರಸ್ತೆ ಸುರಕ್ಷತೆ ಕುರಿತಂತೆ ತಮ್ಮ ಕಲ್ಪನೆಯ ಚಿತ್ರಕ್ಕೆ ಬಣ್ಣ ತುಂಬಿದರು. ಮಕ್ಕಳ ಕಲಾ ಲೋಕಕ್ಕೆ ನಟಿ ತಾರಾ, ಪ್ರಿಯಾಂಕಾ ಉಪೇಂದ್ರ ಹಾಗೂ ಸುದೀಪ್ ಸಾಕ್ಷಿಯಾದರು.