ಫ್ಯಾಕ್ಟ್‌ಚೆಕ್: ಆದಾಯದ ಶೇ 18ರಷ್ಟು ಠೇವಣಿ ಇಡುವ 1963ರ ಕಾನೂನು ಜಾರಿಗೆ ನಿರ್ಧಾರ

ತಪ್ಪು:ಸರ್ಕಾರಿ ನೌಕರರೇ, ಆಸ್ತಿಗಳ ಮಾಲೀಕರೇ, ತೆರಿಗೆದಾರರೇ... ನಿಮ್ಮ ಹಣವನ್ನು ಠೇವಣಿ ಇರಿಸಲು ಸಜ್ಜಾಗಿ. ನಿಮ್ಮ ಆದಾಯದ ಶೇ 18ರಷ್ಟನ್ನುಠೇವಣಿ ಇಡುವ 1963ರ ಕಾನೂನು ಜಾರಿಗೆ ಕೇಂದ್ರ ಸರ್ಕಾರ‌ ನಿರ್ಧರಿಸಿದೆ, ಎಚ್ಚರ –‌ ಎಂಬ ವಾಟ್ಸಾಪ್‌ ಸಂದೇಶ ಹರಿದಾಡುತ್ತಿದೆ.

ಆದರೆ,ಇದು ಸುಳ್ಳು ಸಂದೇಶ ಎಂದು‌ ಕೇಂದ್ರ‌ ಸರ್ಕಾರ ಸ್ಪಷ್ಟಪಡಿಸಿದೆ ಎಂದು ಪಿಐಬಿ ಟ್ವೀಟ್ ಮಾಡಿದೆ. ಸರ್ಕಾರದ ಮುಂದೆ ಇಂತಹ ಯಾವುದೇ ಪ್ರಸ್ತಾವ ಇಲ್ಲ. ಇದು ಕಪೋಲಕಲ್ಪಿತ ಸುದ್ದಿಯಾಗಿದ್ದು, ಯಾರಿಗೂ ಫಾರ್ವರ್ಡ್ ಮಾಡಬೇಡಿ ಎಂದು ಸೂಚಿಸಿದೆ.