ಫ್ಯಾಕ್ಟ್‌ ಚೆಕ್‌ | ಸೈಕಲ್ ಏರಿ ಹೊರಟ ಕಾರ್ಮಿಕ ಮಹಿಳೆಯ ಚಿತ್ರ ಭಾರತದ್ದಲ್ಲ
Published 20 ಮೇ 2020, 6:17 IST
ಲಾಕ್‌ಡೌನ್ ಪರಿಣಾಮದಿಂದ ದೇಶದಾದ್ಯಂತ ವಲಸೆ ಕಾರ್ಮಿಕರ ಕರುಣಾಜನಕ ಕಥೆಗಳದ್ದೇ ಸುದ್ದಿ. ಕಾರ್ಮಿಕ ಮಹಿಳೆಯೊಬ್ಬರು ತನ್ನ ಹಸುಗೂಸನ್ನು ಬೆನ್ನಿಗೆ ಕಟ್ಟಿಕೊಂಡುಸೈಕಲ್ತುಳಿಯುತ್ತಿರುವ ಚಿತ್ರವನ್ನು ಕಾಂಗ್ರೆಸ್ ಮುಖಂಡ ರಣದೀಪ್ ಸರ್ಜೇವಾಲಾ ಟ್ವೀಟ್ ಮಾಡಿದ್ದಾರೆ. ‘ಇದು ಹೊಸ ಭಾರತದ ನೈಜತೆ’ ಎಂದು ಉಲ್ಲೇಖಿಸಿದ್ದಾರೆ. ಈ ಟ್ವೀಟ್ 190 ಬಾರಿ ರಿಟ್ವೀಟ್ ಆಗಿದೆ. ಸರ್ಜೇವಾಲಾ ಅವರು ಟ್ವೀಟ್ ಮಾಡಿದ ಸ್ವಲ್ಪ ಸಮಯದಲ್ಲೇ ಅದನ್ನು ಅಳಿಸಿ ಹಾಕಿದ್ದಾರೆ. ಇದಕ್ಕೆ ಸ್ಪಷ್ಟ ಕಾರಣವನ್ನೂ ಅವರು ನೀಡಿಲ್ಲ.
ಸೈಕಲ್ಏರಿಹೊರಟ ಕಾರ್ಮಿಕ ಮಹಿಳೆಯ ಚಿತ್ರ ಭಾರತದ್ದಲ್ಲ. ಅದು ನೇಪಾಳಕ್ಕೆ ಸಂಬಂಧಿಸಿದ್ದು ಎಂದು ಆಲ್ಟ್ ನ್ಯೂಸ್ ವರದಿ ಮಾಡಿದೆ. 2016ರಲ್ಲಿ ಬ್ರಿಟನ್ ಮೂಲದ ಬ್ಲಾಗ್‌ನಲ್ಲಿ ಈ ಚಿತ್ರವನ್ನು ಬಳಸಿಕೊಳ್ಳಲಾಗಿತ್ತು. 2012ರಲ್ಲಿ ಈ ಚಿತ್ರವನ್ನು ಸೆರೆಹಿಡಿಯಲಾಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.