ಫ್ಯಾಕ್ಟ್ ಚೆಕ್ | ಸಸ್ಯಾಹಾರಿಗಳಿಗೆ ಕೊರೊನಾ ಬಾಧಿಸುವುದಿಲ್ಲ ಎಂಬುದು ಸುಳ್ಳು

ಸಸ್ಯಾಹಾರಿಗಳನ್ನು ಕೊರೊನಾ ಸೋಂಕು ಬಾಧಿಸುವುದಿಲ್ಲ. ಮನುಷ್ಯನ ದೇಹದಲ್ಲಿ ಪ್ರಾಣಿಗಳ ಕೊಬ್ಬಿನಾಂಶವಿದ್ದರೆ ಮಾತ್ರ ಅದು ಕ್ರಿಯಾಶೀಲವಾಗುತ್ತದೆ. ಎಲ್ಲಿಯವರೆಗೆ ಜನ ಮಾಂಸಾಹಾರವನ್ನು ಸೇವನೆ ಮಾಡುತ್ತಾರೋ ಅಲ್ಲಿಯವರೆಗೆ ಸೋಂಕಿನ ಅಪಾಯ ಇದ್ದದ್ದೇ ಎಂದು ವಿಶ್ವ ಆರೋಗ್ಯ ಸಂಸ್ಥೆಯೇ ಹೇಳಿದೆ ಎಂಬ ಮಾಹಿತಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಮಾಂಸಾಹಾರ ಸೇವನೆಗೂ ಸೋಂಕಿಗೂ ಸಂಬಂಧವಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಇದುವರೆಗೆ ಯಾವುದೇ ಹೇಳಿಕೆ ನೀಡಿಲ್ಲ. ಸಸ್ಯಾಹಾರಿಗಳು ಯಾರೂ ಸೋಂಕಿನಿಂದ ಬಾಧಿತರಾಗಿಲ್ಲ ಎಂಬ ಮಾಹಿತಿ ಕೂಡ ಸುಳ್ಳು. ಮಾಂಸಾಹಾರದಿಂದ ಸೋಂಕು ಹರಡುತ್ತದೆ ಎಂಬ ನಂಬಿಕೆಗೆ ಯಾವುದೇ ಆಧಾರವಿಲ್ಲ. ಅಂತಹ ಯಾವ ಅಧ್ಯಯನಗಳೂ ನಡೆದಿಲ್ಲ ಎಂದು ವಿಜ್ಞಾನಿಗಳು ಸ್ಪಷ್ಟಪಡಿಸಿದ್ದಾರೆ.