ಆಸ್ಪತ್ರೆಯ ಹೊರಭಾಗದಲ್ಲಿ ಹಾಸಿಗೆಗಳು... ಅವುಗಳ ಮೇಲೆ ಮಲಗಿರುವ ರೋಗಿಗಳು... ಸುತ್ತ ನೆರೆದಿರುವ ಸಂಬಂಧಿಕರು.. ಇದು ಹೈದರಾಬಾದ್ನ ಉಸ್ಮಾನಿಯಾ ಆಸ್ಪತ್ರೆಯ ದೃಶ್ಯ ಎಂದೂ, ಮಹಾರಾಷ್ಟ್ರದ ಠಾಣೆ–ಭಿವಂಡಿಯ ದೃಶ್ಯ ಎಂದೂ ಸಾಮಾಜಿಕ ಜಾಲತಾಣಗಳಲ್ಲಿವೈರಲ್ ಆಗಿದೆ. ಕೋವಿಡ್–19 ರೋಗಿಗಳನ್ನು ಆಸ್ಪತ್ರೆ ಹೊರಗಡೆ ಮಲಗಿಸಲಾಗಿದೆ ಎಂಬ ಆರೋಪ ಕೇಳಿಬಂದಿದೆ.
ಇದು ಭಾರತದ ದೃಶ್ಯವಲ್ಲ. ಗೂಗಲ್ನ ರಿವರ್ಸ್ ಸರ್ಚ್ ಇಮೇಜ್ ಮೂಲಕ ಪರಿಶೀಲಿಸಿ, ಇದು ಪಾಕಿಸ್ತಾನದ ಸ್ಥಳವೊಂದರ ವಿಡಿಯೊ ಎಂಬ ವಿಷಯವನ್ನು ಆಲ್ಟ್ ನ್ಯೂಸ್ ಪತ್ತೆಹಚ್ಚಿದೆ. ಪಾಕ್ನ ಸಿಯಾಸತ್ ನ್ಯೂಸ್ ವೇದಿಕೆಯು ಜೂನ್ 15ರಂದು ಈ ವಿಡಿಯೊವನ್ನು ಪ್ರಸಾರಮಾಡಿದೆ. ಇದು ಲಾಹೋರ್ನ ಸರ್ವೀಸಸ್ ಆಸ್ಪತ್ರೆಯ ದೃಶ್ಯ.ಆಸ್ಪತ್ರೆಯ ಹೊರಗೆ ಮಲಗಿದ್ದವರು ಕೋವಿಡ್ ರೋಗಿಗಳಲ್ಲ. ಆಸ್ಪತ್ರೆಯಲ್ಲಿ ಅಗ್ನಿ ಅವಘಡ ಸಂಭವಿಸಿದ್ದರಿಂದ ರೋಗಿಗಳನ್ನು ಹೊರಗಡೆ ಕರೆತರಲಾಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.